PIV 2026 · Artikolo 2368
1★cedi
Derivaĵoj en la artikolo 12
1 ★ cedi
1 ntr fleksiĝi; ne plu elteni; enfali: hakilo estas tranĉa, sed ne cedas la branĉo Z la lito cedis sub lia pezo ne batu la pordon, ĝi ne cedos
2 ntr ne plu kontraŭbatali; ne plu rezisti: estis videble, ke la Libianoj komencas cedi B leono Cedas al neniu MT al tiu ĉio cedas, kiu monon posedas Z mi cedis al Ostwald en ĉiuj punktoj Z kiu cedas al sia infano, ĝin pereigas per propra mano Z la febro cedis
(figurasence) la rutino fine cedis al la sana prudento la nokto cedis al griza vintra tagiĝo Z la tago cedos al la nokto MT la sento de persona indeco ne cedus en ŝi antaŭ la timo de mizero Z
3 ntr allasi ion al si aŭ fordoni sin al io, ĉesante rezisti: cedi al siaj pasioj cedi al la admonoj cedi al peto Z cedi al la deziro B cedi al ies kaprico B cedi al via insistado Z cedi al nacia kutimo cedi al dormo (analoge) ĉiuj virinoj cedas al li ➞ abdiki, rezigni, retiriĝi.
4 tr lasi al iu ion, kion oni okupis, posedis aŭ pretendis: cedi al iu sian seĝon cedi sian lokon cedi la tronon feliĉon oni ne heredas nek cedas Z
(figurasence) hidrogenperoksido facile cedas oksigenon la espero cedis lokon al plena disreviĝo ŝia antaŭa paleco cedis la lokon al flama ruĝo Z
➞ allasi, koncesii, permesi, transdoni.5 tr JURO formale transdoni posedaĵon, rajton k.s. al alia persono: cedi lukontrakton cedi komercon al nova entreprenisto
6 tr KOME doni ion en reasekuro.
ceda BIOL geno aŭ karaktero tia, ke ĝi efikas nur, se ĝi troviĝas sur ambaŭ kromosomoj de paro: ceda karaktero estas la karaktero, kiun transdonas tia gena paro Sin. recesiva. ➞ rega.
cedo
1 ago de iu, kiu cedas: disciplina cedo de la malplimulto al la plimulto Z oni povas riproĉi al tiu traduko tro da cedo al la apartaj kutimoj de la lingvo rusa ne prezenti ĝin reformproponon en formo de ia timema cedo Z
2 tio, pri kio oni cedas: mi efektive volis fari cedojn kaj ĉio rompiĝis nur pro la kapricoj de Ostwald Z doni cedon al iu avantaĝon en ludo Z
cedado daŭra aŭ ripetita cedo: ni forlasu do por ĉiam ĉiujn provojn de cedado kaj ni iradu trankvile nian vojon Z
cedaĵo JURO rajto, posedaĵo k.s. cedita.
cedebla JURO tia, ke oni povas transdoni ĝin en la posedon de alia persono: cedeblaj valorpaperoj
cedema facile cedanta al ies volo: leĝo estas cedema: kien vi deziras, ĝi iras Z cedema diskutanto ➞ akordiĝema, mola 1, pacema.
cedigi igi ion aŭ iun cedi: la kavalerio cedigis la alon de nia armeo cedigi sian orgojlon antaŭ la cirkonstancoj oni cedigu neislamanojn al la volo de Dio, alivorte konvertu ilin al islamo MMi Sin. klini 5.
forcedi
1 ntr rezigni pri io: vi pruvis kuraĝon: do forcedu de vana rezisto G
2 tr plene transdoni: li sub trudo forcedis sian tutan heredaĵon
necedebla JURO tia, ke oni ne povas transdoni ĝin en la posedon de alia persono: necedebla bieno necedebla titolo necedebla vojaĝbileto necedebla rajto
senceda necedema.