PIV 2026 · Artikolo 9878
manipuli
Derivaĵoj en la artikolo 8
manipuli tr
1 preni, movi, uzi aŭ funkciigi ion per la mano: TEKN manipuli kranon manipuli ŝaltilon MEDI manipuli membran artikon manipuli vertebrojn ➞ kiropraktiko
2 (figurasence) trakti ion partie aŭ nelojale: oni ofte ankoraŭ manipuladis kun la leĝo arbitre Z manipuli tekston por igi ĝin signifi la dezirataĵon manipuli kunvenon la informo-figurasence manipulantaj potenculoj
3 TELE uzi morsan klavon.
manipulo
1 ago manipuli: la trafika bruo kovras la eventualan manipulon de laboriloj CPi (figurasence) la problemon oni ja ne solvos kontentige per manipulo de la formala regularo HTo
2 ĉiu el la diversaj partoj de mana laboro aŭ de malsimpla operacio:la unua manipulo estas la miksado de faruno kun butero
manipulado agado manipuli: ŝi rigardis la manipuladon de vendado kaj aĉetado, kiu havis lokon ĉe ambaŭ flankoj de la longa tablo Z la manipulado de tiu substanco estas danĝera TELE aŭdante la manipuladon, mi tuj rekonis mian korespondanton
genetika manipulado BIOL TEKN intenca ŝanĝo de la genaro de vivuloj per la enkonduko de fremda segmento de DNA. ➞ transformado 2, transgena.
manipulilo TELE en cirkvito de telegrafa aparato mana interrompilo, kiu ebligas la sendon de signaloj. ➞ morsa manipulilo, piana manipulilo, tajpa manipulilo.
morsa manipulilo TELE morsa klavo.
piana manipulilo TELE manipulilo regata per premado de klavoj analogaj al tiuj de piano (ekz. la telegrafiaj sistemoj de Hughes kaj Baŭdo 2).
tajpa manipulilo TEKS senda aranĝaĵo de teletajpilo, enhavanta klavaron analogan al tiu de skribmaŝino.
datumbaz-manipulilo KOMP programo por uzi kaj mastrumi datumbazojn.