PIV 2026 · Artikolo 13481

★rimo

Litero R★ Fundamenta

Derivaĵoj en la artikolo 18
  1. rimi
  2. rimaĵ/o
  3. rimant/o
  4. rimiĝ/i
  5. abort/a rimo
  6. altern/a/j rimo/j
  7. asonanc/a rimo
  8. in/a rimo
  9. intern/a rimo
  10. kontinu/a/j rimo/j
  11. kruc/a/j rimo/j
  12. kvazaŭrimo
  13. mal/riĉ/a rimo
  14. nombr/adrimaĵ/o
  15. riĉ/a rimo
  16. ring/a/j rimo/j
  17. senrima
  18. vir/a rimo
★ rimo BELE samsoneco de du aŭ pluraj vortoj ekde iliaj akcentaj vokaloj:mia rimo estis pli bona, pli eŭfona, eĉ pli harmona! JCa devas esti tri rimoj, sed eĉ ne unu trafas NGu (figurasence) kio akorde ne sonas, tio rimon ne donas Z ➞ agordo, asonanco, poemo, poezio; rimoido.
rimi tr meti rimojn ĉe la fino de versoj: skrupule rimitaj versoj ŝi kostis al vi tiom da bone rimitaj ĝemoj Z
rimaĵo simpla poemo kun rimoj: facile parkerigeblaj, kvazaŭ melopeoj aŭ infanaj rimaĵoj CMi
rimanto (ofte ironie aŭ malŝate) iu, kiu amatore skribas rimitajn poeziaĵojn.
rimiĝi prezenti rimon: «amo» kaj «dramo» rimiĝas, «ofte» kaj «pantofle» ne rimiĝas (figurasence) plej facile promeso rimiĝas kun forgeso Z
aborta rimo rimo, ĉe kiu la postakcentaj sonoj ne estas samaj, ekz. mordas–pordon.
alternaj rimoj versaj rimoj laŭ la ordo abab. Sin. krucaj rimoj. ➞ kontinuaj rimoj, ringaj rimoj.
asonanca rimo asonanco 2.
ina rimo rimo finiĝanta per senakcenta silabo, ekz. oro–koro. ➞ vira rimo.
interna rimo rimo inter la versfina vorto kaj alia vorto interne de la verso.
kontinuaj rimoj versaj rimoj laŭ la ordo aabb. ➞ alternaj rimoj, ringaj rimoj.
krucaj rimoj alternaj rimoj.
kvazaŭrimo neperfekta rimo.
malriĉa rimo rimo kun nur unu sama sono, ekz. li–ĝi. ➞ riĉa rimo.
nombradrimaĵo LUDO versaĵo por elekto de serĉonto aŭ alia ludonto.
riĉa rimo rimo kun sameco de la apogkonsonanto, ekz. amaro–homaro.➞ malriĉa rimo.
ringaj rimoj versaj rimoj laŭ la ordo abba. ➞ alternaj rimoj, kontinuaj rimoj.
senrima ne prezentanta rimojn: senrima poemo ➞ blanka
vira rimo rimo finiĝanta per akcentita silabo, ekz. kor’–dolor’. ➞ ina rimo.