PIV 2026 · Artikolo 13505
★ripozi
★ ripozi ntr
1 resti nenion farante, por refreŝigi siajn fortojn: dum ses tagoj laboru, kaj en la sepa tago ripozu MT li estis laca, kaj tial li iom ripozis antaŭ granda belega domo Z paro da cikonioj ripozis post la longa vojaĝo Z eĉ unu birdon oni ne aŭdis, ĉiuj jam delonge ripozis Z estas bele ripozi de siaj faroj Z kiu tro ripozas, baldaŭ almozas Z
2 senmove kviete kuŝi: ŝi denove ripozis ĉe la patrina brusto Z lia kapo ripozis sur ŝia brusto Z ŝi lasis sian manon ripozi sur lia ŝultro
(figurasence) en la koro de saĝulo ripozas saĝo MT la lando ripozis en paco dum okdek jaroj MT lasi maŝinon ripozi
3 resti morte kuŝanta: li ripozu trankvile! Z la restaĵoj de la reĝo ripozis sur riĉa lito, en malgranda cedra kapelo B
ripozo stato de iu, kiu ripozas:
1 laboro finita, — ripozo merita Z ili perdas la dorman ripozon MT la vesperaj horoj, kiujn ĉiu homo uzas por ripozo Z mi estis decidinta fari al mi en ĉi tiu somero plenan ripozon Z kiel ajn laca estis maljuna cikonia paro kaj kiel ajn forte ĝi bezonis ripozon Z
3 la lasta ripozo neniu malhelpas la ripozon de la mortinto Z ➞ ripozdomo.
ripozigi havigi al iu ripozon: tiu promenado ripozigos vian cerbon tiu promenado ripozigos viajn nervojn
senripoze ne ripozante: senripoze laboradi