PIV 2026 · Artikolo 13506

★riproĉi

Litero R★ Fundamenta

Derivaĵoj en la artikolo 6
  1. riproĉa
  2. riproĉo
  3. konsciencoriproĉo
  4. memriproĉo
  5. neriproĉebl/a
  6. senriproĉa
★ riproĉi tr
1 akuze mallaŭdi iun por hontigi, aŭ simple por esprimi sian malkontentecon: ne riproĉu vian amikon, ĉar vi mem plimulte meritas riproĉon FE ni, kiel ordinare faras la maljunuloj, komencis riproĉi unu la alian B sekreton ne malkaŝu;
Ĉar alie aŭdanto vin riproĉos MT
renegateco, je kiu kelkaj Volapükistoj riproĉas estintajn kolegojn Z ĉu vi venas
Riproĉi vian filon sendecidan,
Ke li la tempon perdas ? Z
(figurasence) petolu, diboĉu, sed poste sorton ne riproĉu Z min la konscienco mia ne riproĉas Z
➞ kritiki, kulpigi; kapo ① 2 Ⓔ, lavo 1 Ⓔ, prediko Ⓔ, sapumi Ⓔ, tani Ⓔ.
2 diri aŭ alimaniere indiki al iu, ke oni malaprobas ion, pri kio tiu hontu: personoj riproĉas nur la manieron de lia agado Z azen’ al azeno riproĉas malsaĝon Z mi do ne povas riproĉi al vi la mankon de kuraĝo B akre kaj turmente ŝi riproĉadis al si sian agon Z
riproĉa esprimanta riproĉon: en teatraĵo Urbestro,
farante riproĉan signon al Bobĉinskij Z
kun riproĉa rigardo
riproĉo ago kaj vortoj de iu, kiu riproĉas: lia edzino kun milda riproĉo levis sian manon Z pli efikas riproĉo ĉe saĝulo, ol cent batoj ĉe malsaĝulo MT pli bona estas riproĉo nekaŝita,
Ol amo kaŝita MT
tiu ĉi riproĉo estas entute pure infana Z ŝi atakas lin ĉiutage per siaj riproĉoj kaj plendoj Z neniu faras ian riproĉon kontraŭ la esenco de liaj akuzoj Z Vi povus fari al mi la riproĉon, ke mi havas moralan ŝuldon Z vi faras al mi riproĉon pro tio, ke mi ne aprobis Z mi almenaŭ estos libera de riproĉoj, ke mi kun neniu konsiliĝis Z rebatadi riproĉon Z
konsciencoriproĉo riproĉo de la propra konscienco: mi sentus konsciencriproĉon, prokrastante vian feliĉon HVa min mordas konsciencriproĉo KKa Sin. rimorso.
memriproĉo amara pento, kiun oni sentas pri io farita de si mem: aĉa memriproĉo
Min pikas ĝene kiel kulo KKa
➞ rimorso.
neriproĉebla iu aŭ io ne meritanta riproĉon: neriproĉebla viktimo neriproĉebla virto
senriproĉa tia, ke oni ne povas ion riproĉi al li aŭ ŝi: senriproĉa edzino senriproĉa kavaliro