PIV Reta Vortaro

PIV 2020 · 13752

salik/o (Salix el salikacoj) de dioikaj arboj k arbustoj kun folioj integraj aŭ dentetaj, ĝenerale mallarĝaj k defalemaj, k kun vir- k in-seksaj floroj senperiantaj, ariĝintaj en amentojn aperantajn antaŭ la folioj aŭ samtempe kiel tiuj ĉi; 400 , precipe N-hemisferaj, ĝenerale malsekejaj, mez- k mal-varmejaj, kelkaj uzataj por korbofarado ( vimeno) aŭ medicino (pro enhavo de salikino), aliaj kultivataj por ornamo: maljunaj salikoj kun multe da krevoj k fendoj, kreskante kurbe k oblikve, pendas malproksime en la akvon ; sur la salikojn tie ni pendigis niajn harpojn . Precipaj :

Babilona saliko (S. babylonica, S. pendula), eble el Ĉinio, pororname kultivata, kun longaj ĝis tero pendantaj maldikaj branĉoj. plorsaliko 1.

blanka saliko (S. alba), el Eŭropo, Azio k N Afriko, kun lancetformaj, dentetaj, malsupraflanke silkharaj folioj. flava vimeno.

herbeca saliko (S. herbacea), el altaj montaroj de Eŭropo, Azio k Ameriko, arbusteto kun tigoj malaltaj, herbecaj aŭ malmulte ligneciĝintaj.

kapra saliko (S. caprea), el Eŭropo, kun relative mallongaj k larĝaj folioj k kun ligno uzata por paliso k tanado.

reta saliko (S. reticulata), el la altaj montaroj de Eŭropo, Azio k N Ameriko, arbusteto kun rampaj tigoj k obovalaj folioj malsupraflanke rete ripaj.

salika

1 Rilata al saliko.

2 Farita el salikobranĉoj: salika korbo.

salikaĵo. Plektaĵo el salikobranĉoj.

salikejo. Loko, kie kreskas multe da salikoj.

salikino Glukozido, C₆H₄ (O.C₆H₁₁O₅)CH₂OH, kun sendolorigaj k kontraŭfebraj ecoj, ekstraktata el la ŝelo de salikoj.

salikozido. Salikino.

salikato, salikilato Salo de salik(il)ata acido, uzata kontraŭ febro, doloro k inflamo (precipe ĉe reŭmatismoj).

acetilsalikata acido, acetilsalikilata acido. CH₃-CO-O-C₆H₄-COOH. aspirino.

plorsaliko

1 Babilona saliko.

2 Plorsaliko 1 k samaspektaj de kelkaj aliaj de saliko.