PIV 2026 · Artikolo 14160
★sigelo
★ sigelo
1 distinga signo stampita sur moligita substanco por garantii la aŭtentikecon de dokumento: edikto donita sub mia mano kaj sigelo subskribita kaj sigelita de mi (proprasence kaj figurasence) la sigelo ankoraŭ ne estas metita ➞ sigelringo, sigelvakso.
2 (figurasence) distinga marko, kiu konfirmas apartenecon aŭ aŭtentikecon: konservu min kiel sigelon en via koro, kiel sigelon sur via brako MT Kainsigelo sur frunto KKa li jam havis la sigelon de la morto sur la vizaĝo tiu genio metis sian sigelon sur la tutan sciencon de sia tempo sur ĉio kuŝis la sigelo de malriĉeco FK tiuj detaloj portas la sigelon de la vero la sigelo de mia apostoleco vi estas NT ➞ krono 1.
3 (figurasence) distinga marko, kiu montras la finitecon aŭ kompletecon: tio metis la sigelon al lia gloro vi estas sigelo de perfekteco, plena de saĝo MT la sigelo de l’ amo kiso aŭ bebo
4 signo stampita sur moligita substanco kaj almetita al koverto, skatolo, pordo k.s. por certigi la sekreton, malhelpi la malfermon sen la scio de la posedanto ktp: plumba sigelo vaksa sigelo justicaj sigeloj mi vidis libron sigelitan per sep sigeloj NT
5 (figurasence) tio, kio kvazaŭ garantias la sekretecon: sonetoj sub sep sigeloj KKa rakonti ion sub la sigelo de la plej granda sekreto B diri sub la sigelo de la konfeso mi havas grandan sigelon sur la lipoj B
sigela rilata al sigelo: sigela gravuro sigela rubando
sigeli tr
1 surmeti aŭ almeti sigelon por aŭtentikigi ion: sigeli kontrakton sigeli buleon (figurasence) li sigelis sian kredon per sia sango
2 (figurasence) meti distingan signifantan markon sur: morto sigelis ŝin por si vi estas sigelitaj per la Sankta Spirito de promeso NT esti sigelita por la damniteco
3 (figurasence) definitivigi ion kvazaŭ per sigelo: tiu afero sigelis ilian amikecon de tiam ŝia sorto estis sigelita
4 fermi ion per sigelo: sigeli koverton sigeli valoran leteron ili gardis la tombon, sigelinte la ŝtonon NT ĉu tio ne estas kaŝita ĉe Mi, Sigelita en Mia trezorejo? MT Sin. sigelfermi.
5 (figurasence) sekure fermi, kvazaŭ per sigelo: sigelu en paketo miajn malbonagojn, Kaj kovru mian kulpon MT la dormo sigelis ŝiajn palpebrojn miaj lipoj estas sigelitaj mi ne devas paroli tio estas por mi sigelita libro io, pri kio mi ne povas havi scion vi estas fonto ŝlosita, puto sigelita tute virga MT
sigelado ago sigeli.
sigelilo gemo, aŭ peco el metalo, ŝtono aŭ alia malmola substanco, sur kiu estas gravurita signo aŭ surskribo, uzata por sigeli: la asiriaj kaj babilonaj sigeliloj estis cilindretoj, kave gravuritaj la ŝtata Sigelilo la Sigelilo de la Fiŝkaptisto papa
dissigeli, malsigeli rompi la sigelon: vi permesis al vi dissigeli la leteron Z (figurasence) malsigeli ies lipojn permesi al tiu paroli
salomon1sigelo poligonato.