PIV 2026 · Artikolo 1474
★averti
Derivaĵoj en la artikolo 6
★ averti tr
1 antaŭsciigi kaj atentigi iun pri io, kun ordinare negativa valoro: ni avertas vin, ke tion ĉi vi en nia parolo ne trovos Z ni avertas ilin ne esperi subvencion li havos la rajton ĉesigi la garantiadon, avertinte min 2 jarojn antaŭ la ĉesigo Z ➞ anonci, avizi.
2 antaŭsciigi kaj atentigi iun pri minacanta danĝero aŭ malbono: mi estas devigata averti la esperantistojn kontraŭ unu el la esperantistoj Z averti la legantojn kontraŭ la ruza manovro de kelkaj personoj Z mi vin avertas, ke virino en tia stato estas kapabla je ĉio Z mi volis nur averti la esperantistojn, ke ili sin gardu kontraŭ la maskoj Z
3 malkonsili aŭ deadmoni iun de io: ne malnobla estas La zorgo, kiu penas min averti, Ke mi ne trompu mian reĝon Z avertu ŝin, ke ŝi ne venu tie ĉi la komoj avertas la leganton ne rigardi la interkomajn vortojn kiel objekton de la verbo ➞ deturni.
averta tia, ke ĝi avertas: fari avertan geston averta tabulo tiu kapo preta ekkrii averte aŭ dorlote Z
averto ago aŭ vortoj de iu, kiu avertas:
1 nun li povas ĉesigi la pagadon jam post ses-monata averto Z afiŝi averton en klubejo
2 malgraŭ la avertoj mi estis ankoraŭ tro optimista Z doni al iu malgrandan averton tio estas averto por ni homoj, ke ĉe ĉiu entrepreno ni diru: «se Dio volos!» Z ni forgesas averton, ni memoras la sperton Z
3 doni al iu averton ne fari ion
4 por averto de ĉia malkompreniĝo mi devas sciigi, ke Z
avertilo io, kio servas por averti pri danĝero k.s. en teksindustria fabriko pendas avertiloj: «Laboristinoj kun malstriktaj jupoj atentu la maŝinojn» LBe la trumpeta avertilo de lumturo dumnebule aŭdeblis RPy
antaŭaverti antaŭsciigi kaj atentigi iun pri estonta danĝero aŭ malbono: la Eternulo estas venĝanto en ĉio tio, kiel ni antaŭavertis vin kaj atestis NT jen la okazaĵo, pri kiu panjo antaŭavertis ŝin, sed ŝi ne imagis, ke ĝi venos tiel rapide ALö
antaŭaverto ago antaŭaverti: la invado de la reĝlando ŝajnis antaŭaverto de tio, kion ni povos atendi ALö
senaverta okazanta sen antaŭa averto: la sekureca konsilio de UN unuanime kondamnis tiun atakon senavertan kaj senkaŭzan GBe se oni komencos tiel surbendigi senaverte, post kelka tempo oni aŭskultos privatajn konversaciojn ĉe telefono CPi ni rondiris angulon kaj senaverte trovis nin en la mezo de krieganta, svarmanta homamaso ALö ➞ neatendite 2.