PIV 2026 · Artikolo 14927

★subita

Litero S★ Fundamenta

★ subita tute rapide kaj neatendite okazanta: subita teruro MT subita morto B (proprasence kaj figurasence) post brua vento subita silento Z cedante al subita ideo Z
subite en subita maniero: la dunoj kvazaŭ grandegaj subite en sia moviĝado rigidiĝintaj ondoj el sablo Z jen subite li ekvidis rekte antaŭ si la potencan portalon de la katedralo Z tiam subite fariĝis, kvazaŭ ĉiuj steloj lumus Z feliĉo leĝon ne obeas, subite naskiĝas, subite pereas Z neniam atendita ofte venas subite Z ➞ abrupte.
subiteco eco de io subita.