PIV 2026 · Artikolo 14928

★subjekto

Litero S★ Fundamenta

★ subjekto
1 LING sintaksa funkcio kaj frazelemento kun tia funkcio, esprimanta la aferon, pri kiu oni asertas, ke ĝi plenumas ian agon aŭ estas en ia stato; en Esperanto verbon minimume unuvalentan nepre akompanas subjekto; ekz. en la frazoj «mankas mono», «mi legas» (aŭ «mi legas libron»), «la karoton manĝis la azeno», «Johano ŝajnas feliĉa», la subjektoj estas resp. mono, mi, la azeno, Johano. ➞ predikato, predikativo, objekto, cirkonstanco.
2 FILO la pensanta, sentanta kaj volanta mio, kontraste al la ne-mio kaj la ekstera mondo; scianto kontraste al la sciataĵo. ➞ objekto 5.
3 MEDI PSIK homo rigardata kiel havanta specifajn korpajn aŭ psikajn tendencojn, aŭ kies fizikajn aŭ psikajn reagojn oni studas: galmalsana subjekto pletora subjekto histeria subjekto malbonstata subjekto esti subjekto de eksperimentado
subjekta rilata al subjekto: LING subjekta suplemento