PIV 2026 · Artikolo 11154
★objekto
Derivaĵoj en la artikolo 8
★ objekto
1 io ajn, kio prezentiĝas al niaj sensoj: la lignaĵisto faras tablojn, seĝojn kaj aliajn lignajn objektojn FE ĉemizojn, kolumojn kaj ceterajn similajn objektojn ni nomas tolaĵo FE tiu objekto, kiu alforĝis al si la rigardon de Marta, estis larĝa kaj alta fenestro Z ruĝaj ŝuoj, la plej kara objekto, kiun ŝi posedis Z en ĉiu objekto troviĝas difekto Z la artikolo «la» estas uzata tiam, kiam ni parolas pri personoj aŭ objektoj konataj FE mi ne estas homo ŝi pensis, mi estas objekto! Z
1 Inter objekto kaj aĵo estas nur tia nuanco, ke la unua vorto insistas pri la ekstereco, la dua pri la konsisto.
2 io ajn, kio prezentiĝas al nia menso: «lingvo internacia» kaj «lingvo tutmonda» estas du tute malsamaj objektoj Z la tutan nian civilizacion ni dankas nur al unu objekto: al la posedado de lingvo Z kun scienca aplombo ili kredigas, kvazaŭ lingvo estas objekto natura, organa Z
2 La diferenco inter objekto kaj afero estas nur, ke tiu ĉi lasta vorto ne supozigas koncernaton.
3 io ajn, kio okupas la intelekton aŭ estas celo de pensa laboro: la objekto de la verko trapenetris ŝian cerbon Z objekto de studo ➞ studobjekto B multajn leterojn mi ricevis pri tiu objekto Z ĉiun aperon, kiu servas kiel objekto por rakonto, oni povas trakti diversmaniere Z ambaŭ lingvojn vi konas tro malmulte, por ke vi povu manovri kun ili tiel, kiel postulis la objekto Z li alportis de ĉiuj ekzamenaj objektoj purajn «kvinojn» Z enkonduki Esperanton kiel nedevigan objekton de instruado ŝi estis objekto de meditado por skulptisto
3 Inter objekto kaj temo 1 estas tiu malgranda diferenco, ke objekto entenas nuancon de celado (lernado, esploro ktp), kiu ne ĉiam enestas en temo.
4 io ajn, kio estigas ian senton aŭ liveras okazon al ia ago: ĝis la morto mem ni estos objekto de mokoj Z mi faros ilin objekto de honto, de moko, kaj de malbeno MT virino, kiun vi bonvolis elekti kiel objekton de via amuziĝo Z tio estas por Phantasus objekto de ĝojo Z ŝin hontigis la kompato, kies objekto ŝi estis Z Marta ne rimarkis, ke ŝi estas objekto de ies atento Z
5 FILO ekstera aĵo, kiu estas pensata de pensanta subjekto 2: la ideo, kiun ni havas pri iu afero, povas esti ne konforma al sia objekto
6 LINGsintaksa funkcio de komplemento, esprimanta tion, kio limigas la amplekson de la ago signifata de la verbo; en Esperanto objekto povas esti rekta (ekz. «ŝin» en «mi memoras ŝin», «legi» en «li lernas legi») aŭ nerekta («pri ŝi» en «mi memoras pri ŝi»). Sin. objekta komplemento.
objekta
2 LING rilata al la objekto: objekta funkcio objekta subpropozicio rolanta kiel objekto
artobjekto faritaĵo de artisto.
celobjektoen pafado k.s. celata objekto: kritiko kontraŭ bombardoj de ne-militistaj celobjektoj dum la dua mondmilito WSc ➞ celtabulo.
pruvobjekto JURO objekto, per kiu akuzisto intencas pruvi la kulpecon de akuzito. ➞ konvikti.
studobjekto aparta afero aŭ fako, kiun oni studas: izolita detalo povas esti interesa kiel fragmenta studobjekto ILa la kurso permesos enkondukon de Esperanto kiel oficialan studobjekton OE ➞ studfako.
ŝercobjekto objekto aranĝita por amuze trompi.
Zamenhof/Esperanto-objekto ESPO loko, konstruaĵo, entrepreno k.s. nomita honore de L. L. Zamenhof aŭ de Esperanto. mallongigo: ZEO tra la tuta mondo li Raymond Boré serĉadis ZEOjn, la Zamenhof/Esperanto-objektojn, kaj fiere ilin listigis LZZ