★afer/o

1 Ĉio, kio estas en la mondo konkreta aŭ abstrakta, montrata en nedifinita maniero: dum mia vojaĝo mi vidis interesajn aferojn; pri kiu afero li parolas?; eĉ la plej nekredeblajn aferojn li kredas ^Z; tri aferoj estas nekompreneblaj por mi, k kvaran mi ne scias ^X; sen povo kolero estas ridinda afero ^Z. ➞ aĵo, objekto.

2 Tio, pri kio oni okupiĝas, kion oni faras aŭ intencas fari: la afero ne urĝas ^Z; mi aranĝis la aferon; nun ni transiru al la afero ^Z (diskutota temo); saĝa tenas aferon, malsaĝa esperon ^Z; la afero ne iras glate ^Z (➞ tubero), malsukcesis ^Z (➞ fiasko); la afero estas plenumita ^Z; tio estas alia afero, konata afero, malnova afero ^Z; tio estas lia afero (koncernas nur lin); havi aferon kun (trakti kun, pritrakti); vi kutimis havi aferon kun aliaj, mi ne estas tiaspeca! ^Z; ambaŭ lingvoj, kun kiuj vi ĉi tie havis aferon […] ^Z.

3 Tio, kio koncernas la privatajn aŭ publikajn interesojn: tio estas ŝtata afero; ministro pri internaj, eksterlandaj aferoj; religiaj aferoj; zorgu pri viaj propraj aferoj; plenumi la kurantajn aferojn ^Z. ➞ afervojaĝo.

4 ⚖ Tio, kio estas diskutata antaŭ juĝisto(j): defendu aferon de vidvino ^X; havi aferon kun iu ^Z; kiam oni estas maljusta kontraŭ homo en lia juĝa afero […] ^Z; mi esperas, ke mia afero venos baldaŭ antaŭ la tribunalon; krima, sensacia afero. ☞ proceso.

5 Tio, kio estas diskutata inter proponanto k postulanto: negocaj aferoj estas severaj ^Z; ludo aparte k afero aparte ^Z; tago festa – for aferoj! ^Z; sen ordo en afero ne ekzistas prospero ^Z; ne taŭgas la vero por komerca afero ^Z.

6 La E-a movado: rapide kreskas la afero ^Z; se ni ne observos severan ordon k disciplinon, nia afero baldaŭ pereos ^Z; mi formetas de mi ĉian oficialan rolon en nia afero ^Z.