PIV 2026 · Artikolo 14978
sukuri
Derivaĵoj en la artikolo 5
sukuri tr MEDI doni la unuan helpon kaj flegon al vundito: hodiaŭ oni sukuras unue per senhezita spirodonado kaj ritma korpremado JMI
sukurado agado sukuri. Sin. unua helpo.
sukuranto iu, kiu sukuras: per taŭgaj metodoj sukurantoj povas haltigi la morton JMI
sukurejo loko, kie estas trovebla ĉio necesa por sukuri: ĉe la enirejo de la urbo, provizora sukurejo, instalita en eksgaraĝo, ebligas flegi negravajn vunditojn MD➞ urĝejo.
sukurismo organizita helpado kaj flegado de vunditoj, kaj la tiurilata fakscio: la Ruĝa Kruco estas universale konata organizaĵo de sukurismo
sukuristo iu, kiu profesie sukuras: eĉ fajrobrigadistoj kaj sukuristoj ne povis atingi siajn kolegojn por transdoni necesegajn mesaĝojn PPe