PIV 2026 · Artikolo 15052

svarmo

Litero S

Derivaĵoj en la artikolo 4
  1. svarmi
  2. svarmad/o
  3. abelsvarmo
  4. eksvarmi
svarmo
1 amaso moviĝanta kaj interpuŝiĝanta, konstante renoviĝanta kaj ŝanĝiĝanta: en la aero dancis sennombraj kuloj, svarmo apud svarmo Z kaj ĉirkaŭ ŝi puŝis sin svarmo da virinoj Z homa svarmo Z la gaja svarmo da multaj diverskolore flagitaj ŝipoj Z svarmoj da glitveturiloj flugis en diversaj direktoj Z elvenis tuta svarmo da belegaj grandaj birdoj Z tien flugis la abelreĝino kun sia svarmo Z
2 (figurasence) tre grandnombra amaso: oni per unu ekrigardo ampleksas la tutan sennombran svarmon de la steloj Z nekompetenta pri tiu svarmo da ĉiutagaj detalaĵoj Z svarmo da pensoj svarmo da rememoroj
svarmi ntr
1 granda amaso interpuŝe movetiĝi kaj skuetiĝi ĉiuflanken: sur la vasta palaca korto svarmis junuloj en uniformoj de universitataj studentoj Z la popolaj amasoj, svarmantaj sur la larĝa trotuaro Z multege da infanoj svarmis sur la stratoj sur Nilo svarmis etaj ŝipetoj B rajdantaro svarmanta en polva nebulo B centoj da laboremaj estaĵetoj formikoj svarmadis tien kaj reen Z
2 (figurasence) esti tre multnombra: svarmas gazetoj ĉiuspecaj Z la malregulaĵoj svarmas en la naciaj lingvoj Z la ĉielo, kie jam svarmis la steloj B la rememoroj svarmas
svarmado agado svarmi: sur la vojo estis svarmado de homoj kaj bestoj
abelsvarmo grupo de abeloj, entenanta unu reĝinon kaj milojn da laborantinoj, kiuj forlasis troloĝatan abelujon. Sin. esameno.
eksvarmi subite svarmi: elmontriĝis el la fandita neĝo verda placeto, kie tuj eksvarmis paseroj Z (analoge) eksvarmos la rivero per ranoj MT