PIV Reta Vortaro

PIV · 1512

azot/o Alia, pli malnova nomo de nitrogeno, uzata en kemio nur en kelkaj derivaĵoj, sed konservata en agrikulturo k medicino: azotaj nutraĵoj ( proteino); azotaj sterkoj.

azotemio Kvanto de azotaj ekskreciaj substancoj (ureo, uratoj ) en la sango: hiperazotemio.

azoturio Kvanto de azotaj ekskreciaj substancoj (ureo, uratoj ) en la urino: hiperazoturio.

diazoto La funkcio N=N⁺ k la tre reakciema radikalo -N=N·: diazotmetano, CH₂N₂, estas grava reakcianto en organika sintezo; aromataj diazotaj saloj estas gravaj reakciantoj en la sintezo de multaj organikaj farboj. azoo.

diazoti () Enkonduki diazotan grupon en molekulon. diazoniigi.

diazotato Salo de la nestabila diazotata acido Ar-N=N-OH.