PIV 2026 · Artikolo 15334

★tamburo

Litero T★ Fundamenta

Derivaĵoj en la artikolo 13
  1. tamburi
  2. tamburad/o
  3. tambureg/o
  4. tamburist/o
  5. tamburum/o
  6. bastamburo
  7. brod/otamburo
  8. ĉeftamburist/o
  9. ĉentamburo
  10. fadentamburo
  11. kabl/otamburo
  12. provenc/a tamburo
  13. rultamburo
★ tamburo
1 MUZI instrumento konsistanta el malplena cilindro aŭ ujo, ĉe kiu unu aŭ ambaŭ bazaj flankoj estas fermita(j) per maldika streĉita membrano 2, kiun oni frapas per bastonetoj aŭ manoj: ĉe bruo de tamburoj kaj trumpetoj ili atakis unu la alian Z malsaĝulo kiel tamburo, — kiu pasas, lin batas Z
2 TEKN cilindroforma objekto aŭ ujo turnata per mano, motoro k.a., ekz. por volvi fadenon aŭ kablon: tamburo de barometro tamburo de bremso tamburo de min-elevatoro
por aliaj celoj lavmaŝina tamburo VETU la pezaj tamburoj de rulpremilo 1
➞ barelo, bobenego, rulilo.
3 TEKS parto de teksmaŝino kun provizo de veftobobenoj, aŭtomate ennavedigotaj.
4 ARKI ĉiu el la cilindraj segmentoj formantaj kolonon, i.a. tiu masiva cilindra parto de korintika aŭ kompozita 1 kapitelo.
tamburi tr
1 ludi ion per tamburo: oni tamburas malproksime li sidis kaj tamburis la melodion de la kanto Z
(analoge) mi la vento tamburis sur la krevintaj fenestraj vitroj Z nerve tamburi per la fingroj sur la tablo
2 anonci ion per tamburo: tamburi alarmon ĉu vi ne aŭdis, kio estis tamburita en la tuta lando? Z
tamburado ago tamburi: la urbo sciis pri tio, kvankam oni ne anoncis ĝin per publika tamburado Z
tamburego plej granda tamburo, batata per unu remburkapa frapilo.
tamburisto homo, kiu ludas tamburon: la tamburisto fantaziis improvizis sur sia granda tamburo Z
tamburumo ARKI cilindra bazo de kupolo.
bastamburo granda tamburo kun basa sono. ➞ drumo.
brodotamburo TEKS ilo konsistanta el du ringoj, kutime lignaj, unu en la alia, per kiuj oni streĉas ŝtofon por faciligi brodadon.
ĉeftamburisto suboficiro, ĉefo de la tamburistoj en militista muzikantaro.
ĉentamburo TEKN tamburo 2 por volvi ĉenon.
fadentamburo TEKS tamburo 2 por volvi fadenon.
kablotamburo TEKN tamburo 2 por volvi kablon.
provenca tamburo mallarĝa longa tamburo, origine el Provenco, ludata kun akompano de fluteto fare de la sama muzikisto.
rultamburo du-membrana tamburo, sur kies funda membrano zumrisortoj estas muntitaj por krei kontinuan sonon ĉe rapida frapado; ofte uzata en militista tamburado kaj en marŝorkestroj; la ĉefa tamburo en drumo.