PIV 2026 · Artikolo 15935
★tremi
Derivaĵoj en la artikolo 13
★ tremi ntr
1 io esti movata tien kaj reen de sinsekvaj malfortaj skuetoj: la folioj tremis en la venteto arboj, sur kies folioj pluvaj gutoj tremis kaj fajrerante defaladis Z tremanta poplo la arboj ĵetadis tremantajn ombrojn sur la herbon Z la ponto tremas, kiam oni veturas sur ĝi B (figurasence) sub tri objektoj tremas la tero, Kaj kvar ĝi ne povas porti MT ➞ vibri.
2 iu sperti aŭ montri rapidajn malfortajn konvulsiajn movojn: ŝi tremis per ĉiuj membroj Z li tremas kiel aŭtuna folio Z liaj lipoj tremis B per tremanta mano li ĝin levis, per tremanta lango li ekkriis Z li kovris la vizaĝon, tremantan de l’ agonio B la kompatinda infano tremas de emocio Z tremi pro malvarmo tremi de senpacienco pli bone estas ŝviti ol tremi Z liaj manoj tremas de trofumado ĉu mi povas ridi, kiam la haŭto froste tremas? Z
(analoge) voĉo, kiu tremis ankoraŭ de interna teruro Z en la voĉo tremis profunda humiliĝo Z ĉi tiu sento tremis en lia brusto Z
3 esti en stato de timo aŭ maltrankvilo: ĉu vi intencas moki la religion, aŭ vi komencas tremi antaŭ ĝi? Z ne miru, ke ŝi tremas de vi KKa mi tremas ĉe la penso, ke oni arestis lin ŝi tremis pri sia sekureco nenia motivo tremi antaŭ la juĝisto!
trema tia, ke ĝi tremas: per trema voĉo li flustris treme mola voĉo Z
tremo mallonga serio de etaj muskolaj konvulsiaj movoj: ĝin atakis tremo Z tiam stranga tremo trakuris la korpon de la malbela estaĵo Z ofte tremo antaŭiras febron
tremado
1 serio de tremoj: malpacienco, metanta la korpon en nervan tremadon Z la malsano evidentiĝas per konstanta tremado de la manoj
2 FOTO fenomeno kaŭzita de la nesufiĉa rapideco (malpli ol po 48 en sekundo) de sinsekvo de la bildoj.
tremego fortega tremo: tremego de domo, skuata de la trafiko
tremeti tre rapide kaj malintense tremi: tremetis la flamo de la kandelo tremetis la junkoj apud la kvieta lageto li sentis sub siaj fingroj la tremetantan koron de la birdo (figurasence) kun tremetanta rideto ŝi konfesis, ke
tremigi igi iun aŭ ion tremi: morti! kial la vorto min tiel tremigas? Z tremigantaj impresoj B spektaklo, kiu tremigus la plej bravajn
ektremi subite komenci tremi: li ektremis kiel de malbona vizio Z ŝi konvulsie ektremas Z ektremis kaj ekskuiĝis la tero MT atakis teruro, ektremis la kruro Z
ektremeti milde ektremi: (figurasence) sur lia supra lipo ektremetis kvazaŭ moko Z
febrotremo tremo, kiu estiĝas pro febro: mi havas febron.
Ankaŭ febrotremon. Mi kredeble malvarmumis B
Ankaŭ febrotremon. Mi kredeble malvarmumis B
frostotremi
1 iu tremi pro malvarmo: pli kaj pli ŝi tremas kaj frostotremas kaj malvarmas FSz frostotremantaj, de la piedoj ĝis la kapo kovritaj per malvarma ŝvito VVa
2 (figurasence) iu tremi pro emocia reago aŭ streĉo: nature mi frostotremis jam pro la vortoj SSz kvankam la nokto ne estis malvarma, ŝi frostotremis. Kio okazos al ili? ALö
frostotremo korpa tremado pro malvarmo: li estis tute blua de malvarmo, sed ŝi forkisis al li la frostotremon Z en plej malvarma templo lia vizaĝo brulas, kaj en plej granda varmego li sentas frostotremon B
tertremo tremego de la terkrusto, ordinare faliganta domojn ktp: deklivoj kaj montetoj disfalas, kvazaŭ skuitaj de tertremo Z Sin. seismo, sismo.
timtremo tremo, kiu estiĝas pro timo: ju pli grava estas la parolado, des pli forta estas la timtremo ILa