PIV 2026 · Artikolo 16656

★virto

Litero V★ Fundamenta

Derivaĵoj en la artikolo 8
  1. virta
  2. virte
  3. virtec/o
  4. virtul/o
  5. malvirta
  6. malvirto
  7. malvirtig/i
  8. malvirtul/o
★ virto
1 konstanta emo de la animo agi morale, fari la bonon kaj eviti la malbonon: pli bona virto sen oro, ol oro sen honoro Z la virto sin mem rekompencas eĉ virto ne evitas kalumnion Z se la virto estus interezdona, jam de longe la bankieroj tion rimarkus el la neceseco oni devas fari virton oni devas akiri meriton, farante propramove tion, kion oni ne povas eviti Z (ironie) vizaĝo de Katono, sed virto de fripono Z
2 ĉiu el la apartaj bonaj inklinoj de la animo: la civitanaj virtoj li havas ĉiujn virtojn, krom la malavareco KRIS la teologiaj virtoj kredo, espero kaj karitato
3 (arĥaismo) virina ĉasteco: la forto de la beleco pli facile faros el la virto malĉaston, ol la forto de la virto egaligos al si la belecon Z mia filino devenas de gento, kiu estas tro plena de virto Z beleco logas, virto apogas Z
virta
1 posedanta virto(j)n: por virta orelo ne danĝeras vorto malbela Z virta knabino virta virino virta edzino
2 konforma al la virto: Kantio diris, ke de la komenco de la mondo eble ne okazis unu sola vere virta ago ➞ honesta.
virte en virta maniero: li agas juste kaj virte MT
virteco tuto de la karakterizaĵoj de iu aŭ io virta: forkliniĝi de la virteco Z
virtulo homo virta: virtulo kompatas la vivon de sia bruto MT se mi trovos en Sodom kvindek virtulojn en la urbo, mi indulgos la tutan lokon pro ili MT ➞ bonulo 2.
malvirta
1 posedanta malvirto(j)n: malvirta reganto MT ➞ perversa.
2 konforma al la malvirto: malvirta vojo MT malvirta konduto MT
malvirto
1 konstanta emo fari malbonon: ne fortikiĝos homo per malvirto MT en la malpia nia tempo
La virto devas peti de malvirto
Pardonon Z
2 ĉiu el la malbonaj inklinoj de la animo: malriĉeco ne estas malvirto Z la kaŭzo, pro kiu ni ne fordonas nin al unu sola malvirto estas ofte, ke ni havas plurajn aliajn ĉiuj malvirtoj kuŝas en nia koro Z se kunparolanto via
La junan homon iam vidis kulpan
En la malvirtoj ĵus nomitaj Z
senlaboreco estas patrino de ĉiuj malvirtoj Z
malvirtigi instigi aŭ devigi iun aŭ ion al malvirto: ili malvirtigis sian vojon MT
malvirtulo homo malvirta: ĉu vi ankaŭ pereigos virtulon kune kun malvirtulo? MT ➞ malbonulo.