PIV 2026 · Artikolo 2094
1★bori
Derivaĵoj en la artikolo 15
1 ★ bori tr TEKN fari truon (ordinare cilindran) en malmola materialo per frapata aŭ turnata ilo: bori ion bori truon en io tiu ilo ne povos bori betonon bori puton MT (analoge) guto malgranda, sed ŝtonon ĝi boras Z
(figurasence) eterna vico da aŭtoj boras sian vojon tra la moviĝanta ĥaoso boranta doloro
➞ spili; borspecimeno. 1 La objekto de bori povas esti la aĵo borata (bori tabulon) aŭ la rezulto de la borado (bori truon).
boraĵo truo borita.
borilo
1 mana aparato, kiu boras per turniĝanta borpinto: elektra borilo movata per elektra motoro ➞ drilo 1, bormaŝino.
2 borpinto.
borileto malgranda borilo, ordinare ŝraŭbopinta, per kiu oni boras truetojn en ligno, por faciligi la enmeton de najlo aŭ ŝraŭbo.
klik1borilo borilo ekipita per du klikojj, kiuj ebligas turniĝon jen unudirekte, jen alidirekte.
krankoborilo borilo ekipita per kranko, kiu ebligas turniĝon.
kubutborilo borilo en formo de kranko, kiun oni turnas per unu mano, dum oni premas per la alia.
marteloborilo elektra borilo, kiu per turnado frapas por bori ŝtonon, betonon k.s.
neĝoborulo BOTA galanto 2 kun liniformaj folioj; kun tigo kaj unu blanka floro en la formo de eta sonorilo; orname kultivata. specio Galanthus nivalis Sin. neĝa galanto.
ŝraŭbobori = (prefere) ŝraŭbinigi.
trabori tr bori truon tra la tuta dikeco de io ĝis transe: trabori monton ➞ tunelo eĉ guto malgranda, konstante frapante, Traboras la monton granitan Z (figurasence) vi traboras al ni la orelojn per bruado B ŝiaj okuloj havis brilon akran kaj traborantan Z
traboraĵo truo traborita: knabino, kies vizaĝo hirtis pro traboraĵoj EGE
traboriĝi ekhavi traboraĵon: en la nokto miaj ostoj traboriĝas en mi MT
vermoborita vermotrua.