★des

★des. Partikulo uzata, kun «(mal)pli», por montri la konsekvencon de paralela vario: mi des pli lin ŝatas, ju pli mi lin konas; ju pli oni posedas, des pli oni avidas ^Z; ju pli da mono, des pli da zorgo ^Z; ju pli da aĉetantoj, des pli alta la prezo ^Z; ju pli rapide, des pli bone; homo estas des pli feliĉa, ju malpli da bezonoj li havas. Rim. Se la alia parto de la paralela vario, montrata per ju forestas, ĝi estas aŭ alimaniere esprimita: la silentema submajstro, kiu malmulte parolis, sed des pli multe laboris ^Z; aŭ tute ne esprimita, k des akceptas sencon similan al tiu de tiom: des pli bone! ^Z; eĉ al la homoj tio ne estas permesata : kio do fariĝus des pli al ni, se ni tion permesus al ni! ^Z; Abraham estis unu sola homo, k ricevis herede la landon : sed ni estas multo, des pli apartenas al ni la lando! ^X; mi ne volas ripeti miajn vortojn, des pli, ke ĉiu el vi facile mem trovos la respondojn ^Z. ➞ ju.