PIV · 3026
detonaci/i
detonaci/i (ntr) Ⓚ (pp substanco) Eksplodi estigante premondon de tre granda rapido (de 1 ĝis 8 km/s) kun tre mallongdaŭra bruo. ☞ knali.
detonacio. Subita eksplodo.
detonaciigi. Estigi detonacion.
detonaciigilo. Parto de municio, bombo ks, servanta por detonaciigi la eksplodaĵon.
detonaciivo. Kapablo detonacii.
antidetonacianto. Substanco, miksita kun alia eksplodema substanco por malpliigi ties detonaciivon: antidetonacianto estas aldonita al benzino de eksplodmotoroj.