PIV 2026 · Artikolo 3075
dianto
Derivaĵoj en la artikolo 4
dianto BOTA florplanto (dujara aŭ plurjara herbo aŭ arbusteto), kies unuopaj aŭ ariĝintaj floroj havas kvin petalojn, tipe kun iom denta rando, kaj en preskaŭ ĉiuj specioj estas (pale ĝis malhele) rozkoloraj; precipe el Eŭropo kaj Azio, multaj ĝardene kultivataj. genro Dianthus ➞ kariofilaco.
barba dianto dianto el eŭropaj montaroj; kun tigo kaj kaliko senharaj; kun floroj kies petaloj longas 5 ĝis 7 milimetrojn, kun la koloroj ruĝa, roza, violblua, viola, blanka, aŭ nuntempe ofte dukolora, kiel blanka kun ruĝa, viola kun blanka aŭ blanka kun viola. specio Dianthus barbatus
ĉina dianto dianto el Ĉinujo, kun multaj kultivoformoj; ĝenerale kun grize verdaj folioj, mallarĝaj, ĝis 5 cm longaj; kun floroj ruĝaj, pale ruĝaj, aŭ blankaj, aŭ unuope aŭ en malgrandaj grupoj. specio Dianthus chinensis
kariofildianto dianto el mediteranea Eŭropo, jam de jarcentoj kultivata kiel multaj kultivoformoj kun plenaj floroj diverskoloraj kaj spice odoraj. specio Dianthus caryophyllus
pluma dianto dianto el meza Eŭropo; kompakta ĉiamverda plurjara, alta je ĝis 60 cm; kun tigo staranta, branĉa ĉe la supro; kun folioj kontraŭaj, simplaj; kun floroj kun 5 petaloj kun eĝaj franĝoj. specio Dianthus plumarius ➞ sileno 1.