PIV 2026 · Artikolo 3125
★digo
★ digo
1 artefarita altaĵo starigita por ŝirmi lokon kontraŭ inundo de rivero aŭ maro: la nederlanda interna maro estas limigita per fortikaj digoj (figurasence) la digo estos for, kaj la torento de liaj deziroj povos pli libere fluegi Z ilia sango estas tro bolanta, Rompanta ofte digon de prudento Z
2 transversa muro konstruita en riveroj por provizore haltigi (aŭ malakceli) la fluon, aŭ reguligi la nivelon.
➞ ĝeto, kluzo, varfo. digi tr bari akvon per digo: digi la rivereton Z kiam Li digas la akvon, ĝi elsekiĝas MT
mueldigo digo 2 konstruita por apartigi de rivero la akvokvanton necesan al la funkciado de akvomuelilo.
palisdigo provizora digo 1 instalita por labori sur seka grundo, prae farita el palisoj, tabuloj k.s., nun el profilaj ŝtalaj aŭ betonaj elementoj. ➞ koferdamo.