★dikt/i

1 Elparoli vortojn al persono, kiu ilin skribas: dikti versojn; dikti al sekretari(in)o sian tutan korespondaĵon; skribi sub ies diktado ^Z. ☞ suflori.

2 Ordone altrudi: ili pretendis dikti leĝojn al la tuta E-istaro ^Z; neniu havas la rajton dikti al vi siajn postulojn ^Z; tiel la trusto povas dikti siajn prezojn al la etkomerco. ☞ preskribi.

3 Montri kiel bonan k necesan: agu ĉiam tiel, kiel diktas al vi via konscienco ^Z; ĉiu sin direktas, kiel la kap’ al li diktas ^Z; la esencon (de tiu Forto) mi havas la rajton klarigi al mi tiel, kiel diktas al mi mia saĝo k koro ^Z; reguloj k limoj diktitaj de la cirkonstancoj.