PIV 2026 · Artikolo 3285

★distri

Litero D★ Fundamenta

Derivaĵoj en la artikolo 7
  1. distra
  2. distro
  3. distraĵ/o
  4. distriĝ/i
  5. distriĝ/o
  6. distrit/ec/o
  7. distriĝ/em/a
★ distri tr
1 malhelpe deturni la menson de ĝia okupiĝo: la lernantojn distris zumado de muŝo la urba bruo tro distras min
2 deturni la menson de ĝiaj prizorgoj, agrable okupante aŭ amuzante ĝin: mi provis min distri en la societo Z la kuracisto diras, ke mi distru min ➞ malstreĉi, malenuigi.
3 (arĥaismo) = disigi: belaj malgrandaĵoj dismetitaj ĉirkaŭe . Oni rimarkis tuj en ĉiuj tiuj elegantaj, kokete distritaj luksaĵoj la delikatan manon de edukita virino FK
distra kapabla distri: distra tempopasigilo
distro ago de io, kio distras, aŭ de iu, kiu distras.
distraĵo io, kio distras aŭ amuzas: televidado estas pasiva distraĵo
distriĝi
1 esti senatentigita.
2 esti amuzata: kiel oni distriĝu kaj vivon al si agrabligu G li per iliaj ŝercoj distriĝis volonte G
3 (arĥaismo) = disiĝi: la espero distriĝis, kiel fumo FK
distriĝo, distriteco stato de iu distrita.
distriĝema ne kapabla fiksi sian atenton aŭ neatenta pro tro profunda medito: grandaj sciencistoj estas ofte distriĝemaj