PIV 2026 · Artikolo 3326
doko
Derivaĵoj en la artikolo 6
doko
1 havena baseno, kun kluzpordoj kaj kajoj, en kiu oni ŝarĝas, malŝarĝas aŭ riparas ŝipojn: bona ŝipo forveturos je la deka, ĵaŭdon, el la doko HLu
2 ordinare plurale baseno, kajoj, levaparatoj kaj magazenoj por provizore teni elŝipigitajn varojn: industria urbo, kiu havas grandegajn dokojn WSi ➞ staplo; dokpago.
dokisto laboristo ĉe dokoj.
endokigi enirigi ŝipon en dokon.
flosanta doko movebla doko, kiun oni povas poste sekigi.
malseka doko doko, kiu ebligas konservi la akvon je la nivelo de la alta tajdo.
ripardoko doko, kie oni riparas ŝipojn.
seka doko doko, el kiu oni povas elpumpi la akvon: la ŝipo lamis reen al la konstruejo por riparado, sed tie estis nur unu seka doko sufiĉe granda IFa