PIV 2026 · Artikolo 3692
★ekzisti
Derivaĵoj en la artikolo 10
★ ekzisti ntr havi efektivan realecon: ne kredas ŝtelisto, ke honestaj ekzistas Z kie lumo ekzistas, ankaŭ ombro troviĝas Z ankaŭ por diablo tondro ekzistas Z ekzistas ezoko, ke fiŝetoj ne dormu Z ekzistas urbanoj, kiuj neniam vidis kamparon naivuloj jam ne ekzistas Z ne ekzistas homo sen kulpo Z la «Delegacia Komitato» por ni plu ne ekzistas Z ne ekzistas Dio krom Vi MT Sin. esti ① 1. ➞ vegeti, vivi.
ekzista rilata al ekzisto.
ekzisto la fakto, ke io ekzistas: informi pri la ekzisto de Esperanto OE la klasikaj pruvoj de la ekzisto de Dio GMc mi, kiu postrestis por daŭrigi mian ekziston sen ŝi ALö
ekzistado
1 la longe konstatebla fakto, ke io ekzistas: ni batalas nun ne pro la formo , sed pro la ekzistado de lingvo internacia Z ili neis la ekzistadon de la Eternulo MT tiu virino komencis la batalon pro ekzistado por si kaj por sia infano Z servo tiel grava , kia estas ekzistado fizika kaj trankvileco morala Z
2 vivmaniero de homo sur tero: rimedoj por ekzistado akiradi ekzistadon por si kaj por aliaj Z ili trenis sian senesperan ekzistadon Z konstrui sur ĝi diletanteco sian ekzistadon fizikan estas nefareble Z
ekzistaĵo
1 estaĵo 1: Esperanto jam havas sufiĉan stabilecon kiel nemateria ekzistaĵo FVa
2 estaĵo 2: vivantaj ekzistaĵoj Z homaj ekzistaĵoj Z senhelpa anaro da ekzistaĵoj, ne komprenantaj unu alian Mi ekstermos de sur la tero ĉiujn ekzistaĵojn, kiujn Mi kreis MT
ekzistigi fari, ke iu aŭ io ekzistu: multe da arto kaj penoj estis eluzita, por ekzistigi lin statuon Z
ekzistismo, ekzistadismo FILO doktrino, laŭ kiu la homo, kies ekzisto estas komence preskaŭ nur metafizika, kreas sin mem per la elekto inter la diversaj eblaj agoj kaj per la plenumado de tiuj agoj; por tiu skolo, ekzisto antaŭas esencon. Sin. ekzistencialismo. ➞ Sartro.
kunekzisti ekzisti en la sama tempo aŭ loko: malamo povas ja kunekzisti kun amo en unu animo KEMI kunekzistantaj fazoj
neekzisto stato ne ekzisti: homoj timas neekziston post la morto OE ➞ neesto.
neekzistaĵo io, kio ne ekzistas: Trocki malaprobis neekzistaĵon; li atakis fantomon ELa