PIV 2026 · Artikolo 3784
emani
Derivaĵoj en la artikolo 5
emani ntr
1 SCIE gaso, radioj k.s. eliĝi nevideble: la gasoj povas facile emani kaj en malgrandaj kvantoj EGv
2 (figurasence) eliĝi aŭ elveni el iu aŭ io: ŝajne la gepatroj aŭdis ĉi tiujn flustrojn emanantajn el mi Ko la narkota bonodoro emananta el Ŝia korpo VVi
3 FILO elnaskiĝi el pli alta, pli perfekta estaĵo, sen transformiĝado aŭ malgrandiĝado de tiu: laŭ la novplatonismo, la mondo emanas el la dia Unuaĵo
emanado ago, per kiu io emanas.
emanaĵo
1 FILO io, kio emanas: la mondo estas emanaĵo el Dio
2 FIZI la radioaktiva gaso, kiu estiĝas pro la disiĝo de difinitaj radioaktivaj substancoj.
emanigi TELE eligi radiofrekvencan energion el iu konduktilo al la spaco per anteno.
emanigilo TELE aktiva nutrata elemento de jagia anteno, situanta inter la reflektilo kaj la direktiloj, kaj el kiu emanas la elsendata ondo.