PIV 2026 · Artikolo 3798

★embusko

Litero E★ Fundamenta

Derivaĵoj en la artikolo 4
  1. embuski
  2. embuskej/o
  3. embuskig/i
  4. embuskul/o
★ embusko
1 manovro, per kiu atakanto kaŝas sin por poste surprizi kaj pli facile kapti ĉasaĵon aŭ venki malamikon: faru embuskon sur la kampo MT li faris embuskon el kvar taĉmentoj MT ili fidis la embuskon, kiun ili aranĝis MT (figurasence) li feliĉe evitis ĉiujn embuskojn kontraŭ la efektivigo de liaj planoj
2 loko, kie oni kaŝas sin en embusko 1: kiel urso en embusko, kiel leono en kaŝita loko MT Abimeleĥ, kaj la popolo , leviĝis el la embusko MT embusko por ĉasado de sovaĝaj anasoj Sin. embuskejo. ➞ insidi; enfalilo, kaptilo.
embuski tr resti kaŝita por surprize kapti aŭ ataki iun:malĉastulino embuskas kiel rabisto MT apud ĉiu angulo ŝi embuskas MT embuski kontraŭ iu MT iru kun ni,
Ni embuskos por mortigi MT
kun objekto kredigante, ke ili forkuras, ili kondukis la soldatojn al danĝeraj irejoj tra la marĉoj aŭ embuskis ilin en tiuj lokoj, kie la arboj dense kreskis apud la vojo ALö ili embuskas sian propran sangon siajn familianojn MT (analoge) li embuskis min en urbo apud la suda fino de la ponto HLu
(figurasence) tiu mistera fundo de la koro kun la tie silente embuskantaj ĝermoj de krimoj Z
embuskejo embusko 2.
embuskigi postenigi iun embuske: li embuskigis 20 soldatojn post la preĝejo
embuskulo homo en embusko.