entropi/o

1 ⚕ Internen transturniĝo de la palpebrorando, tiel ke la okulharoj tuŝas k vundetas la korneon; kaŭzata de spasmo aŭ de cikatro. ☞ ektropio.

2 ☐ Termodinamika grando difinita per la diferenciala rilato dQ = TdS, en kiu Q estas la varmenergio, T la temperaturo, k S la entropio: en izolita sistemo ĉiu meminiciata ŝanĝiĝo nepre pligrandigas la entropion ĝis tia punkto, ke plua ŝanĝiĝo ne eblas (la dua leĝo de termodinamiko).

3 ☐ 📈 Mezuro de la malordo aŭ hazardo de fermita sistemo.

4 ∆ Mezuro de la informacio de mesaĝo bazita sur la logaritmo de la nombro de eblaj mesaĝoj.