flagel/o

flageluloj. Subfilumo (Mastigophora, sin. Flagellata) de unuĉeluloj el la regno de protozooj, iuj sen klorofilo (zooflageluloj), aliaj kun klorofilo (fitoflageluloj), kiujn karakterizas posedo de unu aŭ pluraj flageloj: pluraj flageluloj estas homaj parazitoj (lejŝmanioj, tripanosomoj k.a.). ☞ ciliuloj, rizopodoj, sporozooj.

fitoflageluloj. Klaso (Phytomastigophorea) de flageluloj ĝenerale klorofilohavaj.

sulkoflageluloj. Ordo (Dinoflagellata) de protozooj el la klaso de fitoflageluloj, ĝenerale kun du flageloj lokiĝintaj en sulkoj (unu en laŭlonga, la alia en pli-malpli ekvatora sulko), k vivantaj en sala aŭ nesala akvo. ☞ alveoluloj.

zooflageluloj. Klaso (Zoomastigophorea) de flageluloj senklorofilaj.