PIV 2026 · Artikolo 5461
★griza
Derivaĵoj en la artikolo 13
★ griza
1 havanta koloron, kiu estas miksaĵo de blanka kaj nigra: griza kiel cindro nebula griza mallumo Z ne ĉio griza estas lupo Z (figurasence) grizaj tagoj teorio estas griza de post Faŭst KKa kiu ne estas senkulpa estas kulpa — la griza zono estas inventaĵo pro komforto JAl
2 hararo senkoloriĝinta pro aĝo: vi ne lasu al liaj grizaj haroj iri en paco en Ŝeolon MT griza barbo saĝon ne atestas Z liaj lipharoj estas pli grizaj, ol liaj vangharoj FE ➞ blanka.
grizo koloro griza: (figurasence) la grizo de lia tro normala vivo tedis lin
grizaĵo loko griza (sur kapo, en desegno ktp).
grizeco eco de io aŭ iu griza, ekz. de haroj kiel signo de maljuneco: ĝis la maljuneco kaj grizeco ne forlasu min MT la tuta movado volas eliri el grizeco kaj renovigi siajn fortojn OE mi glutas por heligi la grizecon de vivo! CRo
grizeta iom griza: sidis kun pipo en la buŝo grizeta viro Z grizetaj haroj Z
grizigi fari ion aŭ iun griza: polvo grizigis la foliojn la penso pri la morgaŭa tago grizigas liajn harojn Z
griziĝi iĝi griza: pro la multaj malplezuroj li tute griziĝis Z malsaĝulo ne griziĝas nek senhariĝas Z griziĝi sub pafiloj veterano Z
griziĝo ago griziĝi, aŭ ties rezulto: ĝis via griziĝo Mi vin portos MT
grizulo
1 homo grizhare maljuna: antaŭ grizulo stariĝu respekte MT bomboj egale trafis infanojn kaj grizulojn SMa
2 en popolaj legendoj, poezio k.s. besto distingebla per sia griza felo (ekz. azeno aŭ leporo): mi mem kondukos mian grizulon azenon en la stalon B li, pelante post vulp’ aŭ grizulo leporo, Subite haltis G
blugriza havanta grizan koloron kun iom blua nuanco.
cindrogriza havanta la koloron de cindro: cindrogriza silkŝtrumpo FSz
plumbogriza havanta la koloron de plumbo: plumbogriza mieno
verdegriza, verdogriza havanta grizan koloron kun iom verda nuanco.