PIV 2026 · Artikolo 5942

hidrato

Litero H

Derivaĵoj en la artikolo 8
  1. hidrata
  2. hidrati
  3. hidratiĝ/i
  4. dehidratig/i
  5. karbonhidrato
  6. kloral/a hidrato
  7. pseŭdohidrato
  8. senhidratig/i
hidrato KEMI
1 (striktasence) substanco, kies molekuloj estas malforte ligitaj al akvomolekuloj.
2 (vastasence) ĉiu substanco, kiu povas esti rigardata kiel kombinaĵo de akvo kun alia substanco, t.e. hidrato 1 aŭ pseŭdohidrato.
hidrata de hidrato: hidrata akvo
hidrati
1 enkonduki hidratan akvon, ekz. en senakvan kristalon. ➞ solvanti, solvantumi.
2 provizi homon, beston, korpon aŭ histon per sufiĉa akvo aŭ alia taŭga likvo: la korpa temperaturo kalkulas je korpo bone hidratita de akvo EBĝ li suferis fortajn diareojn kaj oni devis lin hidrati per egaj ĉiutagaj kvantoj da likvaĵo Ko memfaritaj naturaj kosmetikaĵoj povas rapide refreŝigi, hidrati kaj ilumini, aldonante brilon al la vizaĝhaŭto Ko
hidratiĝi iĝi hidrato.
dehidratigi = (prefere) senhidratigi.
karbonhidrato organika kombinaĵo konsistanta el nur karbono, hidrogeno kaj oksigeno; ĝenerale produktita en verdaj plantoj per fotosintezo; grava fonto de manĝaĵoj por homoj kaj bestoj. ➞ amelo, sakarido, glucido.
klorala hidrato kloralo 2.
pseŭdohidrato substanco, kies molekuloj entenas akvon eltireblan nur per ilia detruo, ekz. karbonhidrato.
senhidratigi senigi kombinaĵon de ĝia hidrata akvo.