PIV 2026 · Artikolo 6192

★honori

Litero H★ Fundamenta

Derivaĵoj en la artikolo 14
  1. honora
  2. honoro
  3. honorad/o
  4. honoraĵ/o
  5. honorig/a
  6. honorig/i
  7. honorind/a
  8. honorind/ec/o
  9. malhonora
  10. malhonori
  11. malhonoro
  12. senhonora
  13. senhonorec/o
  14. senhonorig/i
★ honori tr
1 trakti iun kun granda respekto kaj estimo: kion oni faru al tiu homo, kiun la reĝo deziras honori? MT ni honoru la memoron de nia samideano Z ni ĉiuj honoras tiajn agojn libera kaj honorata en fremda lando Z li estis la plej honorata inter ĉiuj domanoj MT
2 montri sian respekton aŭ estimon al iu per eksteraj signoj: li honoris min per sia amikeco B honori kunvenon per sia ĉeesto B ni honoru ilian memoron per leviĝo de niaj seĝoj Z honori iun per ordeno honori iun per titolo honori iun per donaco vi ne honoradis Min per viaj buĉoferoj MT ĉu mi perdis mian grason, per kiu estas honorataj Dio kaj homoj ? MT neniu mortemulo estis tiele honorita kiel vi nun Z
honora
1 bazita sur honoro: honora ago honora konduto honora profesio veni al ia honora interkonsento Z ➞ honesta.
2 karakterizata de honoro; enhavanta honoron: la tro honora titolo de majstro Z financa konsilanto, kiu vendadis honorajn lokojn kaj oficojn Z okupi la honoran lokon ĉe la tablo honora gvardio honora eskorto estas pli honore
Forgesi tian moron, ol ĝin sekvi Z
oni faris novajn oferdonojn honore al la mortintino LiZ ok personoj parolis honore al la nova ĉefsidejo OE
3 havanta la honoron de iu posteno sen ties devoj, ŝarĝoj kaj rajtoj: honora prezidanto honora profesoro honora membro de UEA
honoro
1 alta estimo aŭ granda respekto, kiun oni meritas per la neriproĉindeco de sia karaktero, per la nobleco de siaj agoj aŭ per la ŝatateco de siaj verkoj:la honoro de nia familio Z pli bona estas virto sen oro, ol oro sen honoro Z truon de l’ honoro flikos neniu tajloro Z abomenul’ sen sentoj, sen honoro Z donu honoron al la Eternulo MT ruinigantoj de virina honoro Z ĝui honoron honoro perdita, ĉio perdita Z ĉu mi havas la honoron paroli al s-ro N.? la homo, kiu havas la honoron esti mia bofilo Z afero de honoro devo de honoro pro honoro, mi ne scias argumentadi Z per mia honoro, tre bone deklamite Z vorto de honoro Z
2 pruvo aŭ signo de honoro 1: vi faras al mi multe da honoro Z la vicgrafo faras al li tro da honoro Z mi havos la honoron raporti al vi la kaŭzon de mia subita reveno Z faru honoron al la Eternulo el via havo MT la soldatoj donis al mi honoron per la pafiloj Z ekstere honoro, interne doloro Z homo ne restas longe en honoro MT fari al iu honoron Z fari al iu honorojn Z al grandaj sinjoroj grandaj honoroj Z ju pli da honoro, des pli da laboro Z Michael Warden havis edzinon, la honoron de la tuta ĉirkaŭaĵo Z temploj konstruitaj por la honoro de tiu Kristo Z tiun ĉi agaton mi portas pro la honoro de unu pastro Z
honorado ago de honoranto: ne inciti senbezone multajn homojn per honorado de mia persono Z tiu persono, al kiu oni per persona honorado volus fari agrablaĵon, Z
honoraĵo marko aŭ signo de honoro: la personoj, kiuj intencus fari por mi ian specialan honoraĵon, Z
honoriga kaŭzanta honoron: la ŝarĝo estas peza, sed honoriga la honoriga invito tuŝis min tre agrable SSz
honorigi agi tiel, ke aliaj honoru iun aŭ ion:civilizitaj movadoj kiuj honorigas sian nacion BSe indas, ke filo honorigas siajn prapatrojn PPe mi esperas, ke ŝi honorigos min edziniĝante al mi WAu via ĉeesto honorigas nin estas honoro por ni
honorinda meritanta honoron: honorinda familio mia honorinda kolego
honorindeco eco de iu honorinda: la honorindeco de lia filo estas difektita de tiu akuzaĵo
malhonora kaŭzanta malhonoron: ricevi malhonoran nomon MT kontraŭstari al malhonora tento Z malhonora ago Z li povas esti kondamnata al la plej malhonoraj punoj
malhonori trakti malrespekte aŭ malestime: vivanton ni malhonoras, mortinton ni adoras Z buĉado, kiu malhonoras la civilizitan mondon Z Jehuda malhonoris la sanktaĵon MT tia obeado al influo ja neniun malhonoras Z malvirteco, ne malriĉeco malhonoras homon ŝi sciis, ke li atendis ŝin kun malhonoranta penso Z pri rompo de la geedza fideleco liberigi min de edzino, kiu min malhonoras Z Tiesto malhonoris
la liton de la frato Z
iliaj edzinoj estos malhonoritaj perfortitaj MT
1 La ideo entenata en pluraj ĉi-supraj ekzemploj povas esti pli bone esprimita per senhonorigi.
malhonoro stato, en kiu oni estas malrespektata:malhonoro de la patrino Z manko de oro ne estas malhonoro Z hontu kaj portu vian malhonoron MT mi elmetis Izraelon al malhonoro MT
senhonora ne (plu) havanta honoron: senhonora fripono
senhonoreco stato de iu, kiu (aŭ io, kio) perdis honoron: ilian honoron mi faros senhonoreco MT
senhonorigi kaŭzi al iu la perdon de honoro: mi povu vidigi al la homoj, ke oni min senhonorigas! Z ➞ malestimi, malbonfama.