★amel/o

1 Blanka substanco, ekstraktata el semoj (precipe grenoj) aŭ tuberoj (precipe de terpomo), k konsistanta el amelo 2: grenamelo estas uzata kiel gluo k por rigidigi tolaĵon; terpomamelo estas kuirarte uzata.

2 Ⓚ Substanco, konsistanta el du aŭ tri polisakaridoj – polimeroj de glukozo, (C₆H₁₀O₅)_n, kun n de kelkcent ĝis kelkdekmil –, troviĝanta en multaj vegetaĵoj, kie ĝi rolas kiel energirezervo, k transformiĝanta en sukeron dum digestado. ☞ glucido, glikogeno, inulino, sakarido.