PIV 2026 · Artikolo 6349

identa

Litero I

Derivaĵoj en la artikolo 9
  1. idento
  2. identaĵ/o
  3. identec/o
  4. identig/a
  5. identig/i
  6. identig/o
  7. identig/ad/o
  8. identig/il/o
  9. identiĝ/i
identa tiel sama, ke oni ne povas percepti ian diferencon: se nia amo estis perfekte identa, — kaj se la amo estas la sama, kiel do povas diferenci la amantoj? Z se tia vorto, kiel ekzemple «redaktejo», estus tute identa kun la vorto «redakcio» Z tio povas eble esti bazita sur tiu ideo, sed neniam devas esti rigardata kiel identa kun ĝi Z la du aŭtoroj prezentis identajn projektojn ➞ egala, simila, unu.
idento
1 identeco: grupo bezonas gardi koheron, identon OE
2 MATE la identa bildigo 2 de aro (kiu bildigas ĉiun elementon al ĝi mem).
identaĵo
1 io identa.
2 MATE egalaĵo, kiu validas por ĉiuj valoroj de la koncernaj variabloj.
identeco
1 plena sameco: frapanta estas la identeco de vidmaniero inter ili
2 JURO oficiala rekonebleco de individuo per unikaj ecoj aŭ legitimaĵoj:starigi la identecon de akuzito pruvi sian identecon
3 aro de ecoj, per kiuj persono aŭ komunumo sin difinas: identeco estas kredo pri valoroj de grupo al kiu vi apartenas ZTi polan identecon li Zamenhof decide rifuzis en siaj leteroj AKü oni povas paroli pri la ekzisto de etna, nacia kaj supernacia identecoj SKe kultura identeco OE seksa identeco Ko sento de identeco DCh
identiga tia, ke ĝi ebligas identigon: identiga plato ĉe soldato identiga karto ĉe civilulo
identigi
1 igi aŭ opinii ion identa kun alia: oni ne devas identigi la registaron kun la popolo la aktoro devas identigi sin kun la persono, kiun li ludas multaj personoj eble identigos la homaranismon kun Esperanto Z ne identigante la liberkredon kun ateismo Z
2 starigi aŭ trovi la veran individuecon de iu aŭ io: identigi krimulon identigi kadavron identigi pentraĵon trovi ĝian aŭtoron identigi nomon de antikva loko trovi la respondan modernan nomon
identigo, identigado ago identigi: la identigado de lando kun gento Z
identigilo dokumento, kodaĵo aŭ io simila, kiu ebligas identigi iun aŭ ion: KOMP unika identigilo ekz. en datumbazo ➞ legitimilo.
identiĝi iĝi identa kun iu aŭ io: identiĝi kun sia modelo identiĝi kun sia rolo lia vivo preskaŭ identiĝis kun tiu granda entrepreno