PIV 2026 · Artikolo 3541

★egala

Litero E★ Fundamenta

Derivaĵoj en la artikolo 14
  1. egali
  2. egalaĵ/o
  3. egalec/o
  4. egalig/i
  5. egalig/il/o
  6. egaliĝ/i
  7. egalul/o
  8. malegala
  9. neegala
  10. neegalaĵ/o
  11. neegalec/o
  12. rand1egalig/i
  13. senegala
  14. valoregali
★ egala
1 tute simila; neniel diferencigebla de alia: nomo egala, sed esenco mala Z tiuj prepozicioj, kies senco estas ĉiam egala Z en senviva surda nokto
Egala sorto ĉiujn unuigos Z
ili sentos, ke ili ĉiuj havas egalajn korojn, egalajn mensojn, egalajn idealojn, egalajn suferojn kaj dolorojn Z ĉiu litero estas elparolata ĉiam egale Z Vi, kiun ĉiuj malsame prezentas,
Sed ĉiuj egale en koro Vin sentas Z
la morto ne distingas, ĉiujn egale atingas Z Sin. identa.
1 Kvankam tiu signifo estas la sola donita en la Universala Vortaro, kaj ofte trovebla ĉe Zamenhof, la sekvintaj verkistoj esprimadas ĝin per sam, kio ebligas konfuzon kun la propra senco de tiu radiko.
2 havanta unu econ (grandon, dimension, kvanton k.s.) ne diferencigeblan de la eco de komparataĵo: du kvantoj, se egalaj al tria, estas ankaŭ egalaj inter si kolektu al vi militistaron egalan al tiu, kiu falis , kaj ĉevalojn nombregale al tiuj ĉevaloj MT nenio, kion oni povas deziri, povas esti egala al ĝi saĝo MT ni havas egalan rajton uzi la «ĉi» antaŭ aŭ post la pronomo Z mi faris al vi grandan nomon, egalan al la nomoj de la potenculoj MT ne ĉiuj havas egalan feliĉon Z rilate la uzadon de bataliloj li havas neniun egalan al si Z batali kun egalaj armiloj batali kun egalaj ŝancoj ĉiuj de egala longo? elektante rapiron Z al ĉiuj egale apartenanta lingvo Z iri egale kun iu egalpaŝe via propono estas egale bona
3 prezentanta partojn ne diferencajn unu de la aliaj:malrapide, per egalaj paŝoj, proksimiĝis la marŝantaj regimentoj B egala humoro egala pulso montri animon egalan en la malsukcesoj li ĉiam restas egala al si mem ➞ konstanta, senŝanĝa, unuforma.
4 prezentanta tian similecon kun alia, ke oni ne havas motivon preferi unu al alia: ĉu sidi, ĉu promeni, tio estas egala por mi en tiaj okazoj ni uzus la finiĝon «n» tute egale ĉu ia prepozicio starus aŭ ne FE tute egale, ĉu li estas reĝido, ĉu almozulo Z ➞ indiferenta.
egali tr esti egala al io aŭ iu: kiu ŝteliston regalas, mem ŝteliston egalas Z suspekto pruvon ne egalas Z tri okonoj egalas ses deksesonojn kapoj diferencas, kranioj egalas Z kiam nokto vualas, ĉiuj koloroj egalas Z
egalaĵo
1 io egala: donu al viaj sklavoj justaĵon kaj egalaĵon NT ➞ duoblaĵo, identaĵo 1.
2 MATE = (prefere) ekvacio. ➞ identaĵo 2.
egaleco eco de io, kio estas egala: signo de egaleco aŭ egalsigno = la egaleco de ĉiuj civitanoj antaŭ la leĝo, antaŭ la impostoj
egaligi fari ion egala: egaligi la ŝancojn inter ludantoj egaligi la profitojn al kiu do vi volas egaligi Min, ke Mi estu simila al li? MT por ne egaligi min kun li en perfekteco Z
egaligilo ELEK aparato por kompensi distordon de frekvenco en sonsistemoj.
egaliĝi iĝi egala: homo
Egaliĝas al bruto buĉota MT
egalulo iu egala al alia: esti juĝata de siaj egaluloj ➞ samrangulo, samspeca, siaspeculo.
malegala diversa: la nuancoj de unu sama sono en malegalaj lingvoj estas tiel multaj Z por eviti malegalan komprenadon de la samaj sonoj Z la nacio doninta la nomon kaj la nacio uzanta ĝin havas alfabetojn malegalajn Z
neegala ne estanta egala 2, egala 3 aŭ egala 4: neegalaj ŝancoj neegalaj veturoj ĉe tiu neegala veto mi venkos Z neegalaj peziloj, neegalaj mezuroj,
Ambaŭ estas abomenaĵo por la Eternulo MT
➞ falsa.
neegalaĵo MATE matematika esprimo asertanta, ke du kvantoj havas inter si unu el la rilatoj <, >, ≤, ≥ aŭ ≠.
neegaleco
1 foresto de egaleco.
2 SOCI manko de samaj vivkondiĉoj kaj vivŝancoj de grupoj en iu socio: oni ne povas neniigi la neegalecon en la nuna socio OE
rand1egaligi fortranĉi, forbruligi aŭ forpoluri la elstaraĵojn ĉe la rando de io.
senegala unika; nekomparebla kun alia: li kuris kun senegala rapideco ➞ senegal·a.
valoregali esti egala pri valoro: ne valoregalas al ĝi saĝo topazo el Etiopujo MT