PIV 2026 · Artikolo 4281

★falsi

Litero F★ Fundamenta

Derivaĵoj en la artikolo 10
  1. falsa
  2. false
  3. falso
  4. falsad/o
  5. falsaĵ/o
  6. falsem/a
  7. falsist/o
  8. malfalsa
  9. monfalsist/o
  10. nefalsebl/a
★ falsi tr elfari ion malveran kaj doni ĝin kiel veran por tiri el tio profiton.
1 imite reprodukti valoran originalon per malpli valora materialo: ili falsas ne nur oron, sed eĉ rubenojn kaj safirojn B falsi bankbiletojn falsi monerojn falsi vinon falsi lakton
(analoge) falsi ies subskribon falsita fabrikmarko
➞ falsofari.
2 en aŭtentikan tekston enmeti aŭ forigi pecojn, tiel ke la signifo aŭ valoro estas ŝanĝita: falsi testamenton falsi ĉekon ŝanĝante nomojn aŭ ciferojn falsi la daton de akto falsita evangelio falsita epistolo falsi la leĝon falsi la historion oni poste falsis la sencon de miaj vortoj Z ➞ interpoli.
3 kaŝe aranĝi objektojn por trompe gajni: falsi la pezilojn ludi per falsitaj kartoj sekrete markitaj per falsitaj ĵetkuboj ne ekvilibraj
falsa
1 prezentanta mensoge kaj perfide la eksteran aspekton de la vero: falsa atestanto, kiu elspiras mensogojn MT falsa atestanto ne restos sen puno MT falsa amo falsa sekureco falsa ĵuro la falsaj profetoj NT vi estas idolano, servanto de falsaj dioj Z falsa subskribo falsa pentraĵo falsa monero falsaj larmoj ni trompos per falsa pesilo MT
(analoge) esti en falsa situacio instiganta personon agi kontraŭ siaj principoj la falsa ŝmiro kovros la makulon
Ekstere, sed interne Z
➞ apokrifa, hipokrita, nefidinda, mis-.
2 prezentanta artefaritan imitaĵon, kiu iel donas la iluzion de la vero: falsaj dentoj Z falsaj haroj falsa juvelo falsa diamanto
false
1 laŭ falsa maniero: false atesti LiZ false denunci ULi
2 (evitinde) = malĝuste: ŝi ekkantetis false ian francan kanton Z
falso ago de falsanto kaj ties rezulto: ĉiuj paroloj de mia buŝo
ne enhavas falson MT
falsado agado de falsanto: tiu aserto de la italia diplomatio estas nur falsado de la aferoj SSz
falsaĵo io falsita.
falsema inklina al falsado: falsema lango MT falsema buŝo MT
falsisto persono, kies okupo estas falsado: falsisto de vinoj falsisto de mono ho, vi fariseoj, falsistoj de la vero ! Z
malfalsa aŭtentika aŭ vera:malfalsa admiro HLu
monfalsisto iu, kiu faras malpli valoran aŭ senvaloran monon, trompe imitantan la ŝtatan.
nefalsebla tia, ke oni ne povas ĝin falsi.