PIV 2026 · Artikolo 10444

mis

Litero M

Derivaĵoj en la artikolo 5
  1. misa
  2. misi
  3. miso
  4. misaĵ/o
  5. misul/o
mis prefikso erareco, malĝusteco, malsukceso aŭ malboneco. ➞ misaŭdi, misciti, miskalkuli, miskompreni, mislegi, mistraduki, mistrafi, misaventuro, misedziĝo, misesprimo, misformo, misproporcio.
misa erara, malĝusta, malsukcesa, malbona aŭ maltrafa: vere misan modelon vi starigis VVi en misa rusa lingvo tre memfide respondis la profesoro SPo normalaj homoj ricevas la misan impreson, ke Esperanto estas tio, pri kio okupiĝas nur frenezuloj maldekstre de mi iris la gajulo, kiu mise parolis la anglan HGK li uzas ilin, ĝuste aŭ mise, por ke la mondo genufleksu antaŭ tia komerca geniulo CRo oni mise antaŭvidis ke la orientaj medicinoj iom post iom perdos grundon al la okcidenta medicino RaP
misi
1 esti misa: ŝi ekploris, kaj niaj vartistinoj alkuris por malkovri, kio misas ALö mia unua vizito al Kaliningrad en 1994 estis fiasko, preskaŭ ĉio misis OE
2 tr misfari, fuŝi aŭ malsukcesi: bedaŭrinde tiu ĉi priskribita esperantista lingvo-elito iam kaj iam misas en sia klopodo paroli Esperanton PeS vi iru al via nepino, — misis la oldulino, forgesinte, ke mi havas ne nepinon, sed filinon OE dum la tago li por ĉiam ion misis, ke nun la mison li volas ĝustigi per agoj bagatelaj SPo
miso misa okazaĵo aŭ ago: la mison li volas ĝustigi per agoj bagatelaj, vantaj kaj tro malfruaj SPo malgraŭ la misoj, stumbloj kaj abunda stumpado de la vera rimo liaj versoj ne perdas allogon OE ➞ fuŝo.
misaĵo konkreta rezulto de miso: la teknika redakto de la volumo verŝajne suferis pro iuj komputilaj misaĵoj DBl sentante misaĵon, vi ĵetas vin al spertaj kuracistoj, poste al ĉarlatanoj SPo
misulo homo karakterizata de siaj misaj agoj: malkiel en la filmoj, mankis la herooj kiuj surprizus la misulojn sekunderon antaŭ la krimfaro OE