PIV 2026 · Artikolo 6413
ilekso
ilekso BOTA florplanto, arbo, trunkarbusto aŭ grimpoplanto, ofte dioika, malpli ofte monoika, kun ledecaj folioj, ofte glaceaj, ofte kun dornaj randoj; kun neelstaraj floroj en infloreskoj, kaj kun fruktoj (drupoj) diverskoloraj. genro Ilex li hakas por si cedrojn, prenas ilekson kaj kverkon MT laŭ angla moro, branĉoj de ilekso estas multe uzataj kiel kristnaskofesta ornamaĵo ➞ akvifoliaco, ileksokverko.
ordinara ilekso ilekso, kun plurformaj brilaj ledecaj folioj (iuj kun dornaj randoj, aliaj integraj) kaj kun globaj karnaj fruktoj intense ruĝaj. specio Ilex aquifolium Sin. akvifolio.
paragvaja ilekso mateo ① 1.