PIV 2026 · Artikolo 6643

★inter

Litero I★ Fundamenta

Derivaĵoj en la artikolo 4
  1. intera
  2. intere
  3. inter/
  4. interaĵ/o
★ inter prepozicio
1 en la spaco, kiu apartigas du aŭ plurajn personojn aŭ objektojn: inter la fenestro kaj la pordo estas tablo inter Francujo kaj Polujo kuŝas Germanujo rompu la murojn inter la popoloj Z esti inter martelo kaj amboso sur la kameno inter du potoj staras fera kaldrono FE inter la mano ĝis la buŝo ofte disverŝiĝas la supo Z la rivero fluas inter du vicoj de salikoj esti enfermita inter kvar muroj la vojo iris en la mondon, inter la misterajn altaĵojn kaj nekonatajn spacojn inter la barojn kaj danĝerojn Z enŝovinte la kapon inter la arbetojn B (figurasence) dum du tagoj li restis inter vivo kaj morto heziti inter du devoj heziti inter sia devo kaj sia amo ➞ meze de.
2 en la tempo, kiu apartigas du aŭ plurajn momentojn aŭ faktojn: venu ĉe min inter la dek-dua kaj la kvara inter la leviĝo kaj la subiro de la suno
3 en aŭ apartenanta al aro de personoj aŭ objektoj: inter lupoj kriu lupe Z eĉ inter piuloj ne mankas pekuloj Z vivi inter kamparanoj li estas la plej juna inter la konkurantoj estas al mi plaĉe inter vi ili dividis inter si la profiton inter aliaj aferoj ŝi devis iri ĉerpi akvon FE se vi pistos malsaĝulon en pistujo inter griaĵo,
Lia malsaĝeco de li ne apartiĝos MT
elekti inter pluraj oni lasis lin inter la mortintoj Dio rekolektos vin el inter ĉiuj popoloj, inter kiujn disĵetis vin la Eternulo MT vi ne povos eliri inter ilin MT ➞ kun, el ① 5.
4 en reciproka rilato, kiu kunigas du aŭ plurajn personojn, akordiĝantajn aŭ malakordiĝantajn: nu, ni estas inter ni Z ili ne volas toleri ŝin inter si Z tiuj du virinoj videble bone konis sin reciproke, ĉar ili parolis inter si intime Z decidi inter si konsentiĝi inter si Z komunikiĝadi inter si Z ili ĉiuj estis forte ligitaj inter si Z ili estis fianĉigitaj inter si Z ili ĉiuj estis tre amikaj inter si Z ili vivu inter si en paco Z la vortaroj tute ne diferencas inter si Z «lakto» kaj «laktumo» havas inter si preskaŭ nenion komunan Z semi malpacon inter fratoj MT inter voli kaj fari estas grandega paŝo Z
intera troviĝanta inter du aliaj samaj objektoj: la interaj tavoloj la unuan kaj lastan strofojn li memoris, sed la interajn li fuŝis intera produkto estas stadio inter enira kaj fina produktoj intera stato inter normaleco kaj frenezeco
intere en la situacio de io aŭ iu intera: intere de la fratinoj kreskis la fileto Z
inter prefikso
1 kun esprimo de la aferoj, inter kiuj io troviĝas aŭ okazas. ➞ interkolono, interripaĵo, interlinio, interferdeko, interetaĝo; interakto, interreĝado; internacia, interhoma.
2 sen esprimo de la aferoj, inter kiuj io troviĝas aŭ okazas. ➞ interaĵo, interaldoni, interspaco, interrompi, intermiksi, intermeti; interrompi, interokazaĵo; interhelpi, interparolo, interkonsento.
interaĵo parto de tutaĵo, aparato k.s., kiu staras inter la aliaj partoj.