PIV 2026 · Artikolo 6856

★jasmeno

Litero J★ Fundamenta

Derivaĵoj en la artikolo 3
  1. jasmena
  2. grandaflor/a jasmeno
  3. oficin/a jasmeno
★ jasmeno BOTA daŭra- aŭ fal-folia arbusto, kun tigoj staraj aŭ iom volviĝantaj, kun folioj simplaj aŭ plume kunmetaj; la floroj kun 5 sepaloj kaj 5 petaloj, blankaj, flavaj aŭ rozaj, plej ofte odoraj, unuopaj, en cumoj aŭ en grapoloj; kun karnaj fruktoj (beroj) nigraj; el la mezvarmaj, subtropikaj kaj tropikaj regionoj, pluraj kultivataj por ornamo, parfumo aŭ medicino. genro Jasminum ➞ oleaco.
jasmena rilata al jasmenoj: la jasmenaj floroj malfermis siajn grandajn blankajn kloŝojn Z jasmena laŭbo Z
grandaflora jasmeno falfolia grimpoplanto kun plumecaj folioj, 5–12 cm longaj, kaj blankaj floroj en cumoj kun dolĉa parfumo. specio Jasminum officinale f. affine
oficina jasmeno vigla falfolia grimpoplanto, kun plumecaj folioj kaj stelecaj blankaj floroj kun ebriiga parfumo. specio Jasminum officinale