PIV 2026 · Artikolo 11279

★oleo

Litero O★ Fundamenta

Derivaĵoj en la artikolo 41
  1. olea
  2. olei
  3. oleac/o
  4. oleaĵ/o
  5. olearb/o
  6. oleec/a
  7. oleec/o
  8. oleil/o
  9. oleuj/o
  10. ajlolea
  11. arakid/a oleo
  12. arakidoleo
  13. balenoleo
  14. dizeloleo
  15. enoter/a oleo
  16. enoteroleo
  17. esenc/a oleo
  18. eter/a oleo
  19. fiŝoleo
  20. gasoleo
  21. kamforoleo
  22. kreozotoleo
  23. linoleo
  24. linoleum/o
  25. manĝoleo
  26. migdaloleo
  27. mineral/a oleo
  28. moruoleo
  29. olivoleo
  30. palmoleo
  31. papavoleo
  32. parafinoleo
  33. rap1oleo
  34. ricinoleo
  35. sanktolei
  36. sanktoleo
  37. sanktolead/o
  38. sanktoleit/o
  39. sezam1/a oleo
  40. ŝtonoleo
  41. vitriololeo
★ oleo
1 grasa likvo de origino vegetaĵa (olivo, lino, nukso), besta (baleno, foko) aŭ minerala (nafto, skisto), uzata por nutrado, medicino, lumigado, arto, industrio kaj religiaj ceremonioj: oliva oleo nuksa oleo minerala oleo oleo por lumigado MT tuberoj kaj ulceroj pusaj, kiuj ne estas moligitaj per oleo MT kiel la bona oleo,
Kiu de la kapo defluas sur la barbon MT
la sankta oleo por ritoj MT verŝi oleon en la fajron eksciti ardon de disputantoj B ➞ esenco, oleato, oleino; olekruĉo.
2 oleo 1 kiel simbolo de dolĉeco, de mildeco aŭ de facileco de la vivo: via nomo similas al elverŝita oleo MT ŝia gorĝo estas pli glata ol oleo MT iliajn riverojn Mi fluigos kiel oleon MT la maro aspektis el oleo verŝi oleon sur la ondojn kvietigi kverelon
3 (evitinde) = nafto.
4 BOTA (evitinde) = olearbo.
olea
1 enhavanta oleon: oleaj farboj oleaj haroj olea haŭto ➞ oledona.
2 milda kiel oleo: karaktero olea Z maro olea
olei tr ŝmiri ion aŭ iun per oleo: olei maŝinon olei ŝlosilon ni oleas la hokojn de la pordoj de l’ vivo Z ili estas malpuraj kaj ne oleas sin plu B la pordo, bonege oleita, malfermiĝis silente CPi
oleacokreskaĵo en tiu taksonomia familio, kies tipgenro estas oleo. membro de la familio Oleaceae (oleacoj)
oleaĵo ĉia olea substanco: tiuj, kiuj ŝmiras sin per la plej bonaj oleaĵoj MT
olearbo BOTA olivarbo.
oleeca havanta la econ de oleaĵoj.
oleeco eco de oleaĵoj.
oleilo organo de maŝino, kiu entenas oleon aŭ grasaĵon por lubriki interfrotiĝantajn surfacojn.
oleujo vazeto por enteni la oleon uzatan dum manĝo.
ajlolea kombinaĵo de ajlo kaj (oliva) oleo: ajlolea saŭco
arakida oleo, arakidoleo oleo ekstraktata el ternuksa arakido, riĉa je arakidata acido.
balenoleo oleo ekstraktata el baleno.
dizeloleo = (prefere) gasojlo.
enotera oleo, enoteroleo FARM medicina oleo ekstraktata el la semoj de la dujara enotero kaj parencaj specioj.
esenca oleo = (prefere) vegetaĵa esenco (➞ esenco 3).
etera oleo (arĥaismo) = esenco 3, esenco 4.
fiŝoleo oleo ekstraktata el fiŝo. ➞ moruoleo.
gasoleo = (prefere) gasojlo.
kamforoleo olea solvaĵo de kamforo, uzata injekte en medicino.
kreozotoleo KEMI peza frakcio de la karba gudro, uzata kiel konservilo por ligno.
linoleo oleo ekstraktata el linsemoj, sekigebla (t.e. oksidebla al malmola seka maso) kaj tial uzata en oleaj farboj por pentristoj kaj por akvimunigi teksaĵojn.
linoleumo juta teksaĵo, ne penetrebla de akvo, dense ŝmirita per linoleo bolinta kun plumba aŭ mangana dioksido kaj miksita kun koloriloj, rezino kaj korna pulvoro, uzata por kovri plankon, skulpti gravurojn k.s.
manĝoleo vegetaĵa oleo uzata en homa nutrado. ➞ arakido, juglando, kolzo, olivo, palmo.
migdaloleo oleo ekstraktata el dolĉaj migdaloj kaj uzata precipe en dermatologio.
minerala oleo KEMI senkolora oleo el alkanoj aŭ cikloalkanoj.
moruoleo oleo ekstraktata el moruo.
olivoleo oleo produktata per premado de maturaj olivoj.
palmoleo oleo kuirarte kaj industrie uzata (i.a. en fabrikado de margarino). ➞ olepalmo.
papavoleo oleo ekstraktata el la semoj de opipapavo.
parafinoleo miksaĵo el saturitaj hidrokarbonoj, uzata medicine kiel laksiganto, por hejmaj hejtigiloj kaj kiel lubrikaĵo, depende de sia viskeco.
rap1oleo oleo ekstraktata el la semoj de olerapo.
ricinoleo oleo farita el la fruktoj de ricino per platigado kaj elpremado de la fruktoj.
sanktolei tr ŝmiri parton de la korpo (ekz. frunton aŭ manojn) por beni aŭ konsekri: sanktoleu la keston de atesto MT mi sanktoleis vin reĝo super Izrael MT Sin. unkti.
sanktoleo RELI oleo uzata por liturgiaj celoj. ➞ krismo.
sanktoleado KRIS
1 rito, en kiu oni sanktoleas reĝon, pastron k.s.
2 sakramento 1 destinita al la malsanuloj.
sanktoleito
1 reĝo aŭ pastro sanktoleita (hebree «Mesio», greke «Kristo»): tiele diras la Eternulo pri sia sanktoleito Ciro MT ne tuŝu Miajn sanktoleitojn,
Kaj al Miaj profetoj ne faru malbonon MT
2 KRIS malsanulo, kiu ricevis la sanktoleadon.
sezam1a oleo flava oleo, ekstraktita el la semoj de hinda sezamo, uzata en la kuirarto, kiel solvanto por medicinoj, kaj en la fabrikado de margarino, sapo kaj kosmetikaĵoj.
ŝtonoleo = (prefere) nafto.
vitriololeo KEMI (arĥaismo) = vitriolo 2.