PIV 2026 · Artikolo 7333
★kapabla
Derivaĵoj en la artikolo 27
- /kapabla
- kapabli
- kapablo
- kapablec/o
- kapablig/i
- aŭdkapablo
- disting/okapabla
- disting/ikapabla
- disting/okapablo
- disting/ikapablo
- esprimkapabla
- imag/okapablo
- irkapabla
- karg/okapablo
- komprenkapablo
- konkurencokapabla
- konstrukapabla
- labor/nekapablo
- lingv/okapablo
- malkapabla
- menskapablo
- nekapabla
- parolkapablo
- plikapablig/i
- senkapablec/o
- ŝarĝ/okapablo
- vidkapablo
★ kapabla
1 povanta fari ion; havanta la ecojn, aŭ plenumanta la kondiĉojn, necesajn por fari ion: ĉu vi opinias min kapabla, sinjoro, por tia malnobla agado? Z kelkaj esperantistoj tute ne estas kapablaj por trankvila diskutado Z virino en tia stato estas kapabla je ĉio Z mi bezonis personon, kiu estus kapabla precipe por altranĉado Z ŝi forrifuzis la laboron, kiun ŝi ne estis kapabla plenumi Z esti kapabla legi, skribi kaj kalkuli herboj kapablaj resanigi vundojn FDi mirinda lingvo, kapabla traduki ĉiujn nuancojn de la homa penso ELa informilo kapabla kapti la atenton kaj amuzi PBa ➞ taŭga.
2 havanta multajn kapablojn, lerta kaj kompetenta: oni diras, ke li estis iam kapabla homo Z la plej lerta kaj kapabla el ĉiuj Z
kapabli tr havi la kapablojn por io: mi ĝis nun kapablis fari por ĝi nenion Z dum momento ŝi ne kapablis respondi ALö poezia tradukado kapablas multe aliformi la originalon LCa ili samtempe montras, kion kapablas esperanto, se oni eluzas ĝiajn eblojn MBo se ili ne mem kapablas tion atingi perfektan lingvonivelon, almenaŭ ili forigu tajperarojn HTo
kapablo, kapableco forto, lerto aŭ scio necesa por fari ion: tio estas knabino kun kapabloj! Z Dio donis oficon, Dio donas kapablon Z per pensolibero oni difinas la kapablon esprimi kaj publikigi sian penson sen malhelpo oni devas atenti , kiom multe oni havas la kapablon tiri Z ŝi akirus la kapablon flugi kaj fari sin nevidebla Z tiel longe, ĝis mia kapo perdos la kapablon de ĉia memorado Z oni eĉ trovadis en mi sufiĉe grandan kapablecon por desegnado Z ➞ komprenkapablo, parolkapablo.
kapabligi igi iun kapabla: helpi niajn homfratojn kapabligas nin la animo SSz Esperanto povus kapabligi normalajn homojn interkomunikiĝi pli bone MMu trejnseminarioj por kapabligi aktivulojn Ko
aŭdkapablo kapablo aŭdi: mi vizitis kuraciston, kiu testis mian aŭdkapablon Ko homoj kun malsufiĉa aŭ nula aŭdkapablo havas propran (tre efikan) manieron komunikiĝi Ko
distingokapabla, distingikapabla tia, ke ĝi kapablas ion (bone) distingi.
distingokapablo, distingikapablo
1 to ion (bone aŭ detale) distingi: la francaj amasinformiloj ne estas escepto al la ĝenerala manko de distingokapablo kaj rigoro MD
2 TEKN mezuro de detaleco de bildo ciferece registrita aŭ montrata, ordinare esprimata per nombro de bilderoj en certa longo (ordinare en coloj).
esprimkapabla kapabla ion (bone) esprimi: la novkreita lingvo estis ĉiam pli esprimkapabla, pli nuancita ol la unuopaj lingvoj, el kiuj ĝi originis Sin. esprimpova.
imagokapablo kapablo ion imagi: li prezentis al publiko artan spektaĵon, stimulintan la imagokapablojn de kuracistoj JGC Sin. imagpovo.
irkapabla kapabla iri: ili ja estis ĉiuj videble plenfortaj viroj perfekte irkapablaj OE
kargokapablo TRAF kiomo da peztunoj, kiun ŝipo, trajno k.s. kapablas transporti. ➞ tonelaro.
komprenkapablo kapablo kompreni: la komprenkapablo de Livila estas same rapida kiel ĉiam ALö Sin. komprenpovo.
konkurencokapabla kapabla konkurenci: ke kompanioj estu konkurenckapablaj, pri tio eĉ la ŝtato atentas HGK la celo estas subteni regionan elektromerkaton, konkurenckapablan, malfermitan al la entreprenoj de la elektra sektoro de ĉiu lando MD Sin. konkurencpova.
konstrukapabla kapabla ion konstrui: la gvidantoj malplifortigas sin mem, aŭskultante la fakulajn kabinetojn, prefere ol aŭskulti siajn proprajn loĝantarojn, kiuj tamen estas mobilizataj kaj konstrukapablaj MD Sin. konstrupova.
labornekapablo provizora aŭ definitiva nekapablo normale labori.
lingvokapablo kapablo ĝuste kompreni, paroli, legi kaj skribi lingvon: la lingvokapabloj, kiujn li heredis de sia poliglota patro EDr la respondo montras nur la opinion pri la propra lingvokapablo, ne la realan lingvoscion RRo lingvokapabloj en niveloj A1 ĝis C2 MFe ➞ lingvonivelo.
malkapabla ne posedanta kapablon: malkapabla administranto ho, malkapabla estaĵo! Z
menskapablo inteligento: mia menskapablo respondas al tiu de kvin-jara knabo FSz
nekapabla ne havanta la ecojn, aŭ ne plenumanta la kondiĉojn, necesajn por fari ion: mi estas nun absolute nekapabla por iu laboro Z ĉu ni estus nekapablaj fari tion ? Z oreloj nekapablaj distingi ian sonon Z
parolkapablo kapablo paroli: ĉiu ricevis parolkapablon kaj povis eldiri siajn pensojn tiel same bone, kiel la dommastrino Z pro apopleksia atako li perdis parolkapablon WRo Sin. parolpovo.
plikapabligi igi iun aŭ ion pli kapabla: Kasparov, dum ok jaroj monda ŝak-ĉampiono, opinias, ke la ludo plikapabligos lernantojn BSe
senkapableco tuta manko de kapabloj: konscio de propra senkapableco Z
ŝarĝokapablo kvanto de ŝarĝo, kiun veturilo kapablas transporti.
vidkapablo kapablo vidi 1, vidi 2 aŭ vidi 3: tio splito en la okulo ne estis bona por la vidado, eĉ ne por la plej bona vidkapablo Z lia vidkapablo pliakriĝis SEn lerni brajlon 2 estas facila afero por tiuj, kiuj naskiĝis blindaj aŭ por tiuj, kiuj perdis la vidkapablon junaĝe Ko verŝajne vi parolas pri blindeco kontraste kun vidkapablo DBr