PIV 2026 · Artikolo 7433

kardamomo

Litero K

kardamomo kapsulo kaj aromaj semoj de planto el la zingibra familio, uzataj kiel spicaĵo kaj ankaŭ kiel medikamento.
nigra kardamomujo BOTA amomo, kies semoj havas fortan kamforecan aromon, kun fuma karaktero pro la metodo de sekigado super fajro. specioj Amomum subulatum el Nepalo (uzata en Barato kaj en Pakistano) kaj Amomum tsao-ko (uzata en Vjetnamio kaj en Ĉinujo)
verda kardamomujo BOTA eletario el Barato, plurjara herbo kun branĉiĝantaj rizomoj, kun lancetformaj aromaj folioj, kun verdete blankaj floroj kaj kun ronde triangulsekcaj kapsuloj enhavantaj multajn malgrandajn angulajn semojn, kiuj pro aromo estas utiligataj kiel spicaĵo. specio Elettaria cardamomum