PIV · 7579
kataliz/i
kataliz/i (tr) Ⓚ Plirapidigi kemian reakcion per katalizanto: kataliza procezo, kataliza reakcio (kiuj okazas per katalizado). ☞ inhibi.
katalizo. Ago katalizi.
katalizanto. Substanco, kiu akcelas reakcion, partoprenante en ĝi, sed reestiĝante ĉe ĝia fino.
katalizilo 🚐 ☼ Aparato en aŭtomobilo, enhavanta katalizajn substancojn, kiu servas por malpliigi la kvanton de nitrogenoksidoj, karbonmonooksido k hidrokarbonoj en la ellasgasoj: la alĝustigita trivoja katalizilo enhavas platenon k rodion.
memkatalizo Ⓚ Katalizo, kiu estas kaŭzata de produkto de la reakcio.