PIV · 7637
kaŭter/o
kaŭter/o ⚕ Instrumento, destinita bruligi la histojn: la ĉefa parto de kaŭtero estas platena drato, varmigata aŭ per alkoholo (termokaŭtero) aŭ per elektro (galvanokaŭtero). ☞ mokso, infera ŝtono.
kaŭteri (tr) Apliki kaŭteron sur histon, por ĝin detrui.
kaŭterado. Tia operacio.
kaŭterpunktoj. Punktoformaj ekbruligoj de la haŭto por kuracaj celoj.
galvanokaŭtero ⚕ Kaŭtero, formita el platena drato ruĝigita per kurento.
termokaŭtero ⚕ Instrumento por fari fajropunktojn: en operacio termokaŭtero ebligas tranĉi histojn aŭ koaguli sangon per bruligo.