PIV 2026 · Artikolo 7807
★kisi
★ kisi tr
1 alpremi la lipojn al iu aŭ io por esprimi respektan amon aŭ admiron: vere mi havis deziron desalti de la seĝo kaj kisi vin por tio! Z alproksimiĝu kaj kisu min, mia filo MT Johano kisis la manon al la bona maljuna reĝo Z «bonan matenon, fraŭlino» «mi kisas al Vi la manon» Z oni poste simple kisas al si la manon, kiam oni ĝin cigaredon elfumis Z ŝi kisis nin sur la frunto Z ŝi kisis ĝin birdon sur la fermitaj okuloj Z Evelino kisis Marion sur ambaŭ vangoj Z pie kisi krucifikson kiu mordi ne povas, kisi flati ekprovas Z la popolamaso kisas la teron, kiam ĝi lin renkontas Z (figurasence) justeco kaj paco sin kisas reciproke MT
2 kontakti iun aŭ ion sammaniere per la erotogena buŝmukozo por atingi seksan plezuron: viglaj knabinoj kaj gajaj junuloj kantas kaj sin kisas unu la alian Z ŝi kaptis lin, kaj kisis lin Kun senhonta vizaĝo MT li kisu min per kisoj de sia buŝo! MT kisi viajn okulojn, buŝon kaj bruston B
3 (figurasence) milde aŭ delikate tuŝeti ion: la branĉoj kisas la klaran spegulon de la akvo Z la suno min kisis Z la lastaj radioj de la suno silente kisis la supron de la montoj supraĵe, kiel akvon kisanta hirundo G Sin. alkisi.
kiso ago de iu, kiu kisas:
1 la dolĉaj kisoj de la infana buŝo Z al tiu floro, kiu estas al Li plej kara, Li donas kison Z ricevi kison Z mi sendis kisojn per mia mano MT la knabo sendis al ĝi perfingran kison li premis kison sur ŝian manon FK kiso antaŭ amaso estas kiso de Judaso Z salutu unu la alian per sankta kiso NT
2 ŝi pro ĝojo donis al li kison sur la buŝo Z liaj kisoj — paradiza ĝuo! Z ŝiaj varmaj sinceraj kisoj lin vekis Z ordonita kiso havas guston maldolĉan Z malsata kis’ la lipojn beke boras KKa longa, langa kiso, kiel de Pariso ho lang-voraj kisoj, kisoj fraŭde fikaj! GWa franca kiso frandzo
3 (figurasence) la arbaron jam tuŝis la flava kiso de aŭtuno
kisadi daŭre aŭ ripete kisi: mia patrino kisadis min sur la frunto kaj kantadis Z ŝi kisadis liajn piedojn, kaj ŝmiris ilin NT
kisema ŝatanta kisadi.
kiseto malgranda rapida kiso: nur unu kiseton Z
kisinda vekanta deziron pri kiso.
alkisi kisi 3: la ondoj alkisas la kolonojn
forkisi forigi ion per kisado: ŝi forkisis al li la frostotremon Z
interkisi ntr reciproke sin kisi. Sin. kunbekiĝi.