PIV 2026 · Artikolo 8374

★kontrakti

Litero K★ Fundamenta

Derivaĵoj en la artikolo 6
  1. kontrakto
  2. kontraktant/o
  3. kontraktar/o
  4. laborkontrakto
  5. packontrakto
  6. vart/okontrakto
★ kontrakti pri aŭ tr JURO interkonsenti, per interŝanĝo de jure validaj deklaroj, pri difinitaj rajtoj kaj devoj de la respektivaj partioj: kontraktu kun ili pri komuna agado IOs Litova Esperanto-Asocio kontraktis kun la plej prestiĝa eldonejo en Vilno pri eldono de fundamentaj libroj pri Esperanto PJe kvardek fakaj asocioj kontraktis kunlaboron kun UEA IOs mi atingis, ke li kontraktu vivasekuron favore al mi CPi litovoj kontraktis kun siaj kolegoj de Estonian Air LSt
kontrakto jure valida interkonsento, laŭ kiu ĉiu partio ricevas difinitajn rajtojn kaj devojn: kontrakto pri vendo kontrakto pri farmoluo kontrakto pri donacoj kontrakto pri edziĝo ➞ konvencio.
kontraktanto persono aŭ organizaĵo, kiu subskribas kontrakton: la Altaj Kontraktantoj ŝtatoj, partoprenantaj en traktato
kontraktaro la tuto de kontraktoj, ekz. de asekuristo.
laborkontrakto kontrakto, laŭ kiu la laborprenanto devontigas sin fari laboron en la servo de la labordonanto kontraŭ salajro.
packontrakto formala interkonsento pri la kondiĉoj de paco inter du aŭ pli da landoj: Ruslando malgajnis la militon, kies rezulto estis la Pariza packontrakto OE en oktobro 1925 estis subskribita la packontrakto inter Germanio kaj okcidentaj potencoj ULi ➞ packondiĉo.
vartokontrakto kontrakto pri tenado de ekipaĵo k.s. en bona stato.