PIV 2020 · 8444
korak/o
korak/o ♉ Sp. de korvo (Corvus corax), nigra kun blua metalbrilo, pli granda ol korniko k frugilego. Sin. nigra korvo, korvo 2. ☞ korvo.
korakoida ❤ Pli-malpli en formo de beko de korako.
korakoida apofizo, korakoida proceso ❤ (processus coracoideus) Forta skapola apofizo, sur kiu insertiĝas multaj muskoloj k ligamentoj.
korakoida osto ♉ (os coracoideum) Unu el la tri ostoj formantaj ĉe vertebruloj la skapolan zonon, homologa al la korakoida apofizo.